Rilo urang nong peih prong bruk rong dui

Thun 2018, hadei di tuk hu rivang iek dom  bruk rong dúi di dom  tỉnh gah brak, saai Nguyễn văn Tàu khang hatai padang mbang ngui  meng bruk ba  dúi mai rong di palei drei. Tuk camereip, saai blei dom gu mai rong iek. Mboh mbuan rong,  mbuan iek glang, takik abih taneh ngak val ro ... saai Tàu blei rilo jang piah tagok tapon bloh peih prong, patagok tapol dúi tal harei ni hu jaik 300 drei. Tuk camereip takik hu ilamu rong, nan ye saai Tàu tagok  mạng Internet, bloh hu mbaok tame dom nyaom kapul rong dúi piah duah tư liệu ka nyu lagaih. Meng nan, tapon  dúi di sang saai praong siam.

Tui ilamu di saai Nguyễn Văn Tàu, dúi biak mbuan rong, pandap mbang lac kreim, tabau, tangei thu, njam patam, boh karoh…  nyu mbang melam, ndih harei. Kayua  dúi oh menyum ia, khak thu, oh mbau  , nan ye meng  3 - 4 harei meng puh ramik val ro sa mbang . Labik rong dúi hu ngak biak mbuan, abih takik jien. Mblang taneh var rong  meng  50 m2, nền tauk kiak, parabha jeng rilo  ô sit, yaok  ô  prong 0,6 m2 piah parabha gu rong  menek. Var ro brei pacang hu ngin, caik di labik kandang joa; dúi takre sup nan ye brei pacang sir piah ia harei oh pasang tapak tame. Dúi lac janih gặm nhấm nan ye tagei nyu tamuh atah gam gam, meyah oh sah tagei  ye  dúi oh mbang hu.  Kayua yau nan ye, lavik lavik brei pandap mbang lagaih piah dúi sah tagei.

Dúi rong meng  6 - 7 bilan, tuk drei tano song drei binai  tabiak sap ieu brei thau lac khin juak gauk ye brei pilih ruah gu ka nyu menek. Yaok thun  dúi menek 4 mbang , yaok mbang meng 2 - 6 drei. Tuk dúi menek brei pabak  ginup pandap mbang hu  canxi, brei mbang pabak  tangei that  piah hu pren rong anek , plaih nyu mbang anek.

Dúi anek rong labaih 3 bilan lac meda pablei pajaih. Daok  dúi pablei rilaow rong  7 bilan, trak meng  1kg meteh meda pablei hu . Tui kuhria yaok bilan  saai Tàu pablei meng  40 - 50 gu dúi pajaih, yaom meng  1,2 triệu đồng sa gu ; dúi rilaow pablei hu  meng 650.000 tal  700.000 đồng  sa kg . Kaoh abih phun jien, saai Tàu daok laba hu labaih  50 triệu đồng yaok bilan. Rong  dúi hu labik pablei tani tanat, kayua dom pandap mbang ngak meng dúi bak dinh dưỡng song bingi nan ye hu drak pasa biak takre.

Oh khik ilamu raong ka ta-eng drei, saai  Tàu hu khan brei thau ilamu raong ka dom kapul nyaom rong dúi.Labik rong  dúi di saai  dok lac labik bhain randap  piah ka urang đoàn , dam dara  hu hatai takre janih  athur ni mai duah thau, bac megru  .Abih di nyu nan lac, saai dok blei veik song dong ilamu kỹ thuật ka dom urang ranaih umo palih ruah bruk rong dúi piah padang mbang ngui./.

Urang lang: Hanipha- 19/1