Nho hu pala iek tui tanut chuan VietGap

2 pajaih nho oh hu asar NH04-128 song NH04-61 pagam angaok nho got pagam Courdec 1613 hu palih ngak, pala hu siam meng bein di kapul dom pajaih nho  di Viện roh duah Kapah song patagok ngak nong Nha Hố. Ni lac , bruk ngak hu meng peih ngak danak dak ilamu “Pala iek 2 pajaih nho oh hu asar  NH04-61 haong  NH04-128 di Ninh Thuận tui jalan VietGAP” kayua  Viện Roh duah kapah song patagok ngak nong  Nha Hố pambuak song  Sở Ilamu song Công nghệ tỉnh Ninh Thuận meng thun 2020.

 2 pajaih nho bahrau pala tui jalan mejam  nho haroh Y dalam sang tauk sre hu tabung pacang song halam pacang côn trùng. Hadei di tukvak pala iek mboh hu rilo siam lagaih  ka bruk tamuh siam, phun praong saong baoh siam, bingi.

Tapa nan mboh lac, abih 2 pajaih nho oh hu asar jeng tamuh siam, khang kadang, phun mbuan tabiak bingu, ndam boh, pacang hu halak halin, meng tuk pala tal tuk paih boh mbang camereip meng  8 – 10 bilan, tuk vak tamuh prong, meng tuk cakak dhar tal tuk paik boh tasak labaih  3 bilan meteh.

Ngan song pajaih nho NH04-128 hu boh gul - vin, trak meng 1,5 - 1,8 gram sa boh, tuk tasak boh salih tapa sambo hijao katam, rilaow khang, racam song biak pahe. Baoh paik hu meng  12 – 18 tấn sa ha sa vụ, ngak hu  2 vụ meteh tal 3 vụ yaok thun.

Pajaih nho oh hu asar NH04-61 hu boh gul - vin, boh trak meng  2,5 –2,8 gram; tuk tasak hu kanduh boh sambo ngu jhuk,  pahe, phun tamuh khang, pacang hu halak halin, mbuan tabiak bingu, ndam boh, năng suất samu song pajaih nho NH04-128, yaok thun ngak hu  2 tal 2 vụ meteh.

Meng bruk ba pajaih nho  oh hu sar  NH04-61 song  NH04-128 tame pala, langiu di bruk ngak brei hu rilo jang pajaih nho mbang that  chất lượng glong di tỉnh Ninh Thuận, dok rik dong ngak tabiak rilo pandap meng phun nho, rik dong patagok bruk meriak gauk di pandap panda angaok drak pasa. Gam song bruk patagok dom pajaih nho mbang that  bahrau chất lượng, piah tagok yaom  kinh tế ka boh nho, tỉnh daok brei peih prong dom bhum pala nho tui tanut VietGAP; dong, palagaih ka urang pala nho pambuak bruk song dom doanh nghiệp hu mbaok tame ngak mbang, sản xuất nho tui chuỗi giá trị, ba ilamu bahrau tame ngak, khik piah, parilo dom janih pandap  ngak meng boh nho pambuak haong patagok  du lịch sinh thái bein nho./.

Urang lang: Hanipha- 16/3