- Kasa, brei pa-atah: Labik raong brei pa-atah labik daok di bhap bini, pa-ath jalan mbak, dom var ro raong glang, dom labik raong, sang caik  pandap mbang, labik palai klaak khak manuk ada, athur raong. Dalam nan, paga pacang vin taom dar labik raong hu makna biak praong piah pacang labik raong saong labik vil val nan. Tapa nan, pacang manuac saong athur tame tabiak labik raong glang. Langiu di nan, brei hu dom labik raong karei tui umo di athur, di manuk ada piah pacang ruak njom mbak meng taphon ini tapa taphon diah.

- Kadua, tui iek bruk hacih sa-at, pametai anek ruak: Di pabah mbang tame tabiak labik raong glang brei hu dom lubang pametai anek ruak meng cur tapung atau jru ngak brei hacih anak pabah mbang tame tabiak labik raong saong anak dom pabah mbang var ro. Ngan saong dom labik raong brei hu labik plaih khan ao, sát trùng saong labik menei ka urang ngak saong urang tame tabiak labik raong glang. Ngan saong var ro, pandap panda raong glang yaok harei brei ngak hacih sa-at, salih pandap tauk var ro njauk tathah ia. Brei ngak hacih labik var ro meng cur tapung atau jru sát trùng.

- Kaklau, pandap mbang saong ia menyum: Pandap brei ka manuk ada, athur raong mbang hu ginup asar dinh dưỡng lagaih saong yaok pajaih athur, tui tuk vak praong di nyu. Pandap mbang brei hu khik piah di labik thu, hacih sa-at, oh tagok bimao, oh tapa tukvak pandar, njom nek ruak, jru mek. Ia menyum ka athur, manuk ada brei hacih sa-at saong hu dut iek tui định kỳ.

- Ka pak, pasang iek bruk tame tabiak labik raong glang: Takik brei menuac tame tabiak labik van ro raong glang, brei hu labik ka urang ngak mbang huak, ndih daok di labik. Urang jakar thú y ngak bruk di labik raong oh brei ngak bruk di gah langiu. Ngan saong athur, manuk ada ba tame raong brei khang kajap, hu blei mai meng labik  pacang hu jit ruak. Athur, manuk ada birau blei mai dahlau di tuk ba tame taphon, njauk raong karei saong tui iek takik abih 3 adit. Taong abih athur, manuk ada brei klauk ginup dom janih vaccine, brei menyum jru pacang ruak njauk tukvak.  

- Ka lime, bruk langyah tuk hu jit ruak: Tuk hu athur, manuk ada metai, metai rilo drei njauk khan chip ka karja palei, urang jakar thu ý thau piah langyah sumu. Oh pablei tuh pablei thai athur, manuk ada ruak, juai prah klak athur, manuk ada ruak oh njauk labik yau danao ia jaik var ro, juai mbang rilow athur, manuk ada ruak. Am cuh atau dar athur, manuk ada metai tuk medil lac ruak trak tui tacei pato di urang jakar thú y./.

Urang lang: Ai Nghiem – 27/4/2022