Pandar blockchain dalam duah thau ka asal di pa-aok

HTX Dịch vụ ngak nong Mỹ Đông 2 (xã Mỹ Đông, huyện Tháp Mười), hu mong lac jabat ngak siam bruk pandar ilamu kỹ thuật tame bruk ngak “mblang hamu ngak padai bahrau, abih takik ia, pandar dom jalan ngak công nghệ 4.0” hu mblang taneh praong 66,5ha. Bruk njauk biai di jalan ngak ini, lac jaik abih dom bruk ngak jeng pandar mac moc, jamriak. Urang hu mbaok tame bruk  ini hu tacei pato peih siphau cih vak bruk ngak padai angaok smartphone. Gam haong nan, ngak randap bruk mboh hu cak rok patagok di phun padai saong kuhria mboh hu kein laba kinh tế.

Jeng di bhum ngak padai huyện Tháp Mười, urang ngak nong mboh hu bruk ngak di balai pasang iek halak halin, hu ba caik di mblang hamu di urang nong dalam HTX dịch vụ ngak nong Thắng Lợi. Puk palei jeng daok jhul khang bruk pandar kapar haok oh hu menuac peih piah pruh jru pacang khik phun pala ka phun padai.

Taphia di bruk ngak nong, bhap bani Đồng Tháp jeng pandar công nghệ 4.0 dalam bruk raong athur saong kaya ikan. Tui nan, bhap bani pandar hu siam phần mềm brei thau ka jit ruak trực tuyến VAHIS saong phần mềm Quantum GIS dalam bruk langyah, taong yaom jit ruak angaok tapul athur raong, dak padang bản đồ dịch tễ. Gah kaya ikan dalam aia, peih ngak danak dak paglaong chất lượng anek pajaih ikan pra, pasiam veik di truyền hu pagam “chip” tui iek. Tal urak ini, hu jao 21.610 drei ikan pajaih ka 13 labik ngak anek pajaih dalam tỉnh.

Langiu di nan, công nghệ 4.0 daok hu pandar piah pambuak pagam darak pasar, duah thau ka asal di pandap panda kaya nong ngan haong dom bruk “Phun pa-aok sang dahlak”, “phun kam bein dahlak”, “Hamu sang dahlak”. Dom bruk ini, ngak jeng labik pambuak urang ngak saong urang blei pandar. HTX pa-aok Mỹ Xương (huyện Cao Lãnh), jeng hu peih ngak bruk pandar blockchain dalam duah thau ka asal di pa-aok saong pandar sàn giao dịch pablei salih điện tử piah meyaih khan, peih prong darak pasar pablei pandap…

Tuk vak tapa, piah patagok bruk salih số dalam bruk ngak nong, gah ngak nong tỉnh brei caik hatai tak bruk pandar rilo công nghệ 4.0 piah ngak tabiak pandap hacih sa-at, duah thau ka asal di nyu, patagok tỷ trọng di bruk ngak nong dalam nền kinh tế di tỉnh./.  

Urang lang: Jasi – 10/11