Khak hữu cơ oh lac daong pabak rilo janih dinh dưỡng ka phun pala bo daok daong pasiam chế độ mùn

Dut saong akaok thun 2021 haong tukvak ini thun blaoh, yaom rilo janih khak vô cơ yau ye Urê, DAP, Kali, NPK... urak ini tagok yaom takik di nyu meng 200.000-300.000 đồng sa bao (50kg) saong daok di tanut glaong abih dalam rilo thun tapa.

Urak ini, dom janih pandap klaak tabiak dalam bruk ngak ngak nong meda mek ngak khak hữu cơ ngan haong yaom jien ngak biak bier, dalam nan hu pon  dalam tuk yuak padai blaoh saong dom janih tabiak meng bruk raong athur, manuk ada saong kaya ikan. Min, kayua daok kurang thau saong gaok rilo kan kandah dalam bruk pataom mek, langyah saong huac lahik rilo prein, nan ye urang nong ka oh ngak hu siam piah ngak dom janih nan jeng dom janih khak hữu cơ hu yaom jien bier piah buh ka phun pala.

Bruk urang nong cuk pon hadei di tuk yuak padai piah ngak khak oh ba mai kein laba glaong kayua pon hadei di tuk cuk daok viek lac dom kali, daok binah praong dom janih dinh dưỡng karei jeng par lahik.

Bruk takik pandar khak hóa học saong patagok bruk pandar khak hữu cơ oh lac daong ka urang nong trun jien pala drak bo daok rik tame bruk daong khik caga alam langik tasik saong prein yava ka manuac ngak, gam manuac pandar pandap. Jhul patagok bruk ngak nong tui jalan ngak nong tuần hoàn saong ngak nong hữu cơ, ngak jeng bruk tani tanat, khang kajap suai lavik. Ong Lê Văn Thiệt, Phó akaok Cục khik caga phun pala di Mintri ngak nong saong patagok palei pala brei thau: “Khak hữu cơ oh lac daong pabak rilo janih dinh dưỡng ka phun pala bo daok daong pasiam chế độ mùn, hệ vi sinh vật taneh, trun theik, trun par lahik, paglaong siam lagaih di bruk pandar khak. Bruk patagok pandar khak hữu gam rik daong paglaong năng suất,paglaong chất lượng kaya nong, gam jhul tagok bruk  pandar pandap klaak labaih meng bruk pala drak, raong glang”. Urak ini, urang parabha khak hữu cơ jeng 2 kapul. Nan lac khak hữu cơ meng kan hu asal meng dom khak athur, phun pala, nerak hữu cơ, than bùn… hu ngak tui jalan pandih pabam meng kan. Ka 2 lac kapul khak hữu cơ dalam bruk ngak kong hu ngak meng dom janih hữu cơ karei gauk piah ngak jeng khak siam jang dut saong janih tamo tuk camereip, dalam kapul ni hu rilo khak hữu cơ khoáng, khak hữu cơ sinh học, khak hữu cơ vi sinh…

Urang lang: Thu Thao – 20/10