Sang saai Vũ Thị Hoàng Yến, ấp Liên Hiệp 1, xã Xà Bang, huyện Châu Đức hu 14 thun pambuak haong bruk pala bimao

Dom thun jaik di ni, meng pandar ilamu kỹ thuật glaong nan ye jaik abih dom sang jeng eng drei ngak phôi dom janih bimao saong padang ngak dom sang pabak hu bruk pala bimao nan ye hu pala bimao luac thun.

Tui ilamo di dom sang pala bimao di tỉnh Bà Rịa-Vũng Tàu, pala bimao tok pruh ia sit sit taom dar kanduh papaok. Caong bimao tamuh siam ye brei ngak ka phôi biak siam meng di tuk camriep, khik oh caik ka anek ruak njom tame, phôi njauk caik di labik lanieng lanoi, plaik pandiak tapak, khik ginup độ ẩm saong labik oh njauk njom ruak….

Bruk pala bimao bào ngư di sang ong Nguyễn Thanh Sơn, palei Sông Xoài 3, xã Láng Lớn  daok lac bruk pala bimao biak siam dalam palei. Tui ong Sơn, urak ni labik pala bimao di sang ong yaok vụ pala 10.000 bịch (phu jien tuk camriep meng 30-35 triệu đồng), yaok vụ  paik hu 4 mbang dalam tukvak 4 bilan meng salih phôi karei, ngan haong năng suất hu labaih 8 tạ/vụ. Hadei di tuk kaoh abih phun jien buh tame, yaok vụ bimao sang ong laba hu labaih 40 triệu đồng.

Oh taeng hagait di xã Xà Bang, xã Láng Lớn (huyện Châu Đức) bruk pala bimao bào ngư di xã Tóc Tiên, ban sit Phú Mỹ jeng daok ba jien tame saong tani tanat ka bhap bini.

Sang saai Vũ Thị Hoàng Yến, ấp Liên Hiệp 1, xã Xà Bang, huyện Châu Đức hu 14 thun pambuak haong bruk pala bimao. Tuk camriep bahrau pala, sang saai Yến pala bimao tangi takuk, hadei di nan pandar dom kadung phôi pandar blaoh hadei di tuk pala bimao tangi kuk piah pala bimao bào ngư. Saai Yến ndem lac, pala dom janih bimao brei tari tareng dalam yaok bruk ngak, dalam nan, sang pala brei hu tauk tabung hala laneng lahơi, hacih saat, khik độ ẩm meng 60%-80% saong nhiệt độ brei khik laar, halam pacang oh caik ka anek côn trùng par tame palai kaik bimao, jalan pruh ia sit sit hu daong patak pataom biak rilo jien padai, ia pruh brei haci hacih, langyah tapa jamriak halang ia RO... Abih di nyu nan lac, dalam tuk iek glang brei khik kajap hacih sa-at, siam mekre pandap mbang. Urak ni, dom sang pala bimao di saai Yến tuk halei jeng hu pala pablak di vụ pala bimao tangin kuk, bimao bào ngư saong bimao linh chi piah plaik rahtabiak jit ruak. Meng jalan ngak ni, rilo thun gam sang pala bimao di saai Yến oh njauk jit ruak.

Pala bimao brei thau ka bruk pandar ilamo kỹ thuật saong njauk caik hatai dalam bruk langyah phôi pajaih. Kayua yau nan ye, mikva urang ngak nong dalam tỉnh caong khin pala dom janih bimao njauk duah thau cambaih dom ilamo kỹ thuật jang yau jalan pala, piah ka bimao cak rok patagok ngan haong dom janih bimao.

Urang lang: Thu Thảo – 03/02