TIẾNG HÁT TỪ LÀNG CƠ TU
Chủ nhật, 00:00, 25/10/2026
Cơ Tu VOV
Cơ Tu VOV
Cơ Tu VOV: Vêy đợ pr’hát xa nưl n’đhơdoọ vêy đươi ooy sân khấu ga măc căh cậ vêy đợ tr’coọ ting zooi pa xưl đh’rưah bâc cơnh, năc cung dzợ ăt vaih liêm coh loom ma nưih xợơng. Nâu đoo năc đợ râu pr’hát bha dơng k’coon âng apêê k’căn, c’năt pr’hát âng apêê a’dich, căh cậ đợ pr’hát ting hát đhị ta pêêh oih, bêl bhrợ ha rêê lâng ooy đợ t’ngay bhiệc bhan r’rộ r’răm coh vêêl đông.
Lâng đhanuôr Cơ Tu ăt ma mung coh truih da ding Trường Sơn, pr’hát xa nưl dzợ âng đơơng pr’hơơm âng crâng k’coong, liêm chr’năp coh pr’loọng đông lâng đợ xa nay t’ruih bhui har, ta u loom âng vêêl bhươl. Tơợ đợ Ba booch, bh’nooch pr’hay chr’năp tươc đợ pr’hát t’mêê lơơng; pr’hát xa nưl âng manưih Cơ Tu n’jưah zư đợc râu ty chr’năp âng a’conh a’bhươp, n’jưah pa zưm liêm đh’rưah lâng pr’ăt tr’mung bêl đâu.
Viết bình luận