Căh ha mơ đenh dzợ năc lươt zi lâh c’moo ty, ha pruôt t’mêê Bính Ngọ ơy k’noọ tươc. Lâh mơ, đhí ha pruốt ơy chô đhí đhị zâp pa lêêh đông, pô Lơ lang dưr pô bhoọc liêm toor crâng, loom luônh zâp ngai ting xơợng têêm ngăn, bhui har lâh mơ.

 Đhanuôr lâng pr’zợc chăp nhêr! C’moo Ất Tỵ 2025 bâc bêl dzợ bâc zr’năh k’đhạp. Boo ngân, hr’câh ha vooh da ding k’coong, c’lâng c’tôch lươt vôch zr’năh k’đhạp, pr’ăt tr’mung đhanuôr lưm ta bhưch zr’năh bâc cơnh. Hân đhơ cơnh đêêc, đhanuôr cung dzợ ăt tơt coh vêêl đông, đh’rưah đoàn kết, zư nhâm mâng tơơm Pơ-mu ặt dzoọng coh crâng k’coong.

 Đhị bêl plêệng k’tiêc moot hân noo ha pruôt, ta pêêh oih đhị zâp đhr’nông đông đh’rơơng ting têêm ngăn, p’rá cr’chăng âng đhanuôr ting ga hô ga hăm đhị zợ buah, A Lăng Lợi lâng A Viết Sĩ k’đươi đhanuôr hêê lêy cớ mưy c’moo ơy lươt zi lâh, đh’rưah hơnh deh Tết liêm chr’năp, Tết đoàn kết, ooy xa nay t’ruih pr’hay chr’năp:

 “TẾT TÊÊM NGĂN COH K’COONG CH’NGAI - DƯR ZI LÂH K’RƠ LIÊM”