+ Đhanuôr lâng pr’zớc chăp dadêr! Coh rau bhui har âng t’ngay tr’nơơp hân noo ha pruốt t’mêê, bêl tr’clá tr’ang âng mặt t’ngay ơy n’leh coh p’bhung Gươl, xa nul achym xul chr’va tr’clai lâng p’rá cr’chăng bhui har coh bhươl cr’noon, loom manuyh da ding k’coong năc têêm ngăn lâh mơ lâng r’rơơm ooy pr’ăt tr’mông liêm pr’hay.

+ Coh t’ruih Phát thanh bêl đâu nhăn pa gơi tươc ooy đhanuôr đợ xa nay tr’nơơp c’moo t’mêê - pazêng xa nay chr’năp pr’hay, crêê liêm, xay truih ooy rau tr’xăl coh bhươl cr’noon da ding k’coong miền Trung, rau r’rơơm ooy muy c’moo boo crêê đhí liêm, ha roo abhoo chặt vaih liêm bấc, bhrợ cha bh’nha k’van, pr’ăt tr’mông ting t’ngay k’bhộ ngăn, bhui har.

+ Hân noo ha pruốt ơy chô, đơơng âng cr’noọ cr’niêng t’mêê, râu mâng loom t’mêê. Đhanuôr lâng pr’zớc đương xơợng t’ruih bêl đâu đoọng đh’rưah ting tr’pác rau bhui har coh tr’nơơp hân noo ha pruốt lâng đương hơnh deh muy c’moo Bính Ngọ la lua năc pr’đoọng pr’đhooi, mamông k’rơ lâng têêm ngăn lâh mơ.