Đha nuôr lâng pr’zơc da dêr! T’ngay đâu, thứ ch’păt, t’ngay 14/3, t’ruih vêy đợ cr’liêng choom p’ghit cơnh đâu:

# Xang 50 c’moo bơơn pa chô, tơợ đhăm k’tiêc ăt zâng lâng bâc râu bil bal zr’năh xr’dô coh chiến tranh, Kon Tum xooc r’dợ dưr vaih muy đhị pa dưr k’rơ âng Tây Nguyên.

# Apêê vêêl bhươl âng ma nưih Tày coh tỉnh Hà Giang hâu vêy râu choom t’đang t’pâh bâc ơl t’mooi tươc cha ơh la lêy? Ahêê đh’rưah chơơc năl coh c’năt t’ruih Chơơc bơơn năl zâp đhị liêm pr’hay;

# T’cooh đhur n’đhang bâc ngai t’cooh coh apêê chr’hoong da ding ca coong thành phố Huế công dzợ t’bhlâng zư đơc đợ chr’năp đhr’niêng bh’rợ lang ahay âng acoon coh.

# T’ruih pa xul p’rá Cơ Tu âng Đài P’rá Việt Nam cơnh lâng bâc cr’liêng xa nay liêm chr’năp, pa xul zâp t’ngay coh sóng FM lâng AM. Đha nuôr lâng pr’zơc công choom moot ooy VOV- Kênh Tin tức Giải trí Cơ Tu - Việt coh FB đoọng xơợng cớ apêê t’ruih, c’năt t’ruih âi pa xul lâng chơơc lêy đợ pr’hat xa nul pr’hay n’lơơng!