Cơnh lâng cr’noọ “ Zooi đoọng ha pêê ngai lum pr’ăt tr’mông zr’năh k’đhap pa tươc bêl ooy căh mă dzợ bhrợ năc dhêy”, prang 20 c’moo ha nua, a moó Cao Thị Ánh Tuyết ăt coh phường Trung Phụng, quận Đống Đa, Hà Nội âi đơc đoọng bâc zên ha bh’rợ bhrợ liêm loom. K’rơ bhâu hun ch’na đoọng k’gooh lâng pr’hêl âi, xooc lâng vêy cớ tươc lâng apêê ngai zr’năh k’đhap căh muy coh thủ đô Hà Nội năc dzợ coh bâc tỉnh, thành n’lơơng coh prang k’tiêc.

Đhr’năng đhí boo tuh bhlong coh c’moo 2022 vêy ta xay moon đơc năc dưr vaih k’đhap ng’năl cơnh, tươc cr’chăl n’nâu, pazêng vel đong coh miền Trung ơy bhrợ bấc cơnh cr’noọ bh’rợ zâl cha groong. Đhị pazêng chr’hoong da ding k’coong dal âng tỉnh Quảng Nam, coh pazêng c’moo đăn đâu ta luôn vaih pazêng g’luh tuh pr’hậc, hr’lang hr’câh da ding k’coong. Tu cơnh đêêc, lâh đợ zơng ha âu đơc ha roo, ch’neh, đợ chr’na đha năh zazum âng pazêng vel đong, đhanuôr năc công ha âu đơc ch’neh, chr’na đha năh zập ng’đươi coh bơr pêê c’xêê.