Coh cr’chăl ahay, đhị pazêng chr’hoong da ding k’coong tỉnh Quảng Nam, bâc pr’loọng đong đhanuôr Cơ Tu ơy z’lâh zr’năh k’đhap t’bhlâng pa dưr kinh tế pr’loọng đong, ting t’ngay t’bil ha ul,pa xiêr đharựt. Anoo A Lăng Bi, coh cr’noon Ra Lang, chr’val Jơ Ngây, chr’hoong Đông Giang, tỉnh Quảng Nam năc manuyh liêm choom coh xa nay bh’rợ đhanuôr bhrợ cha choom lâng bh’rợ choh prí cấy mô lâng băn a ọc.

Năc đhêêng coh 3 c’xêê tơơp c’moo đâu,lâh 100 bha lâng n’loong coh zr’lụ crâng zư đơc coh tu k’ruung Bến Hải, ăt đhị bơr chr’hoong Vĩnh Linh lâng Gio Linh, tỉnh Quảng Trị crêê apêê pa hư crâng col pa hư đhị râu ch’mêêt lêy căh ghit âng c’bhuh chức năng. Bơơn k’đươi k’đhơợng bhrợ, zư lêy crâng g’mrâng tu k’ruung n’đhang Ban K’đhơợng lêy crâng coh zr’lụ tu k’ruung Bến Hải năc đơc đoọng apêê pa hư crâng, rooc chô đơơng n’loong tợơ crâng. Xang bêl tu bhiêc bơơn năl, t’cooh Vĩ Văn Hưng, Chủ tịch UBND tỉnh Quảng Trị âi vêy bha ar k’đươi đơơh xay bhrợ pa ghit lâng toom rơợng tu bhiêc.