Bâc c’moo ha nua, chính quyền lâng ngành chức năng tỉnh Kon Tum âi t’bhlâng p’too moon năc đoọng ha dưr dal c’năl âng đha nuôr n’đăh tr’pay dic điêl – pr’loọng đong, n’dhơ cơnh đêêc đhr’năng tr’pay dic điêl bêl dzợ p’niên nhum công dzơ dưr vaih, pa bhlâng năc đhị apêê zr’lụ đha nuôr acoon coh. Bâc dic điêl tr’pay bêl pa bhlâng dzợ p’niên nhum n’đhơ năc apêê đoo ma tr’kiêng tr’chơơc, n’đhơ năc ca conh ca căn ga noo, n’đhang đợ x’ría zêng căh vêy râu liêm choom. N’hil năc tr’vay tr’lin , ngân năc ma tr’lơi t’jợ. Zr’năh lâh mơ cớ năc căh hăt dic điêl ăt đhị râu zr’năh xr’dô, ha ul đha rưt căh cơnh.