Tơợ tơợp c’xêê 9 nâu, đhị ch’hoong Tây Giang, tỉnh Quảng Nam nắc ơy lêy cha’mêết lấh 40 apêê k’hir plóh a’ham. Ooy đâu, chr’val A Tiêng, nắc đhị lêy dưr váih bấc apêê k’ay bhlâng. Xang bêl bơơn lêy pr’lúh k’hir glúh a’ham dưr váih bấc, Ngành y tế chr’hoong Tây Giang nắc ơy xay bhrợ zâp c’lâng bh’rợ đoọng zêl t’pắt pr’lúh k’hir plóh a’ham.

Cóh cr’chăl ahay, lâng rau k’rang âng Đảng, Nhà nước, rau chrooi đoọng âng xã hội, bh’rợ t’bil ha ul pa xiêr đharứt âng k’tiếc k’ruung hêê nắc ơy bơơn đợ rau chr’nắp pa bhlâng. Tơợ pazêng bh’rợ zúp zooi pa xiêr đharứt, pazêng rau chính sách đoọng ha đhanuôr acoon cóh, zr’lụ ch’ngai bha dắh, đợ pr’loọng đong đharứt prang k’tiếc k’ruung nắc ơy xiêr dzợ tơợ 5,2 – 5,7% c’moo 2018. Đợ pr’loọng đong đharứt cóh pazêng chr’val pa bhlâng zr’nắh k’đháp, cóh zr’lụ toor biển lâng hải đảo, đợ chr’val pa bhlâng zr’nắh k’đháp, chr’val c’noong k’tiếc, chr’val an toàn khu zr’lụ đhanuôr acoon cóh lâng da ding k’coong xiêr lấh 3% cóh muy c’moo. Pr’ắt tr’mông âng đhanuôr ting t’ngay vêy ta pa liêm.