Rilo bhum bangsa tikik mek ilamu pabak ka bruk rivang main 

Trà Vinh lac sa dalam dom tỉnh hu urang bangsa Khmer rilo di abih dalam bhum Tây Nam bộ, jaik 32% dom menuac sia dalam tỉnh. Bhap bani Khmer hu sap ndom panuac puac saong akhar vak karei; hu gilang ilamo biak rilo dalikan, dam neiy, panduac pandao…; hu sân khấu meng kan yau Dù kê, Dì kê, hu ragu ragam gam hu asal meng Ấn Ðộ, gam hu asal meng Ðông Nam Á. Meng dom inem mek daok hu yau Ao Bà Om, Miuyim Ilamo Khmer saong baha Âng-baoh baha Khmer yao klaak abih di Trà Vinh… hu daong palagaih ka danak dak “Palei ilamo rivang ma-in Khmer Trà Vinh” tabiak rai saong cak rok patgaok.

Hu mbaok tame dự án, dom urang dalam kapul hu daong 60 triệu đồng ka yaok baoh sang tuk buh jien tame ngak homestay. Langiu di nan, karja palei daok hu daong 50% jien jhung mesre gilang pariak dalam 36 bilan, yaom daong rilo di abih oh tapa 150 triệu đồng sa baoh sang.

Ong Thạch Sang daok di xã Lương Hòa, Châu Thành khan lac: “Dahlak biak hadah mbaok tuk hu mbaok tame danak dak padang mbang angui meng palei ilamo kayua hu meyaih khan ilamo gheih mekre di bangsa drei nao tal taong abih manuac sia. Pak ini, dahlak dang tabiak padang ngak veik bruk ngak piên – sa pandap mbang meng kan mai di bangsa Khmer. Jien mek tame di baoh sang dahlak urak ini hu tani tanat, oh yau dahlau diah ngak hamu atau ngak bein. Bruk ngak urak ini brei ka sang dahlak duah hu meng 700.000-1.000.000 đồng/ngày”.

Danak dak Palei Ilamo daok atah di pasak bal Trà Vinh 3km. Yam takai tame palei, tuai damuai meda mong mboh hu ilamu Khmer gheih mekre lavik saman, papar atah tui jalan rivang ma-in bhap bani.

Sa-ai Thạch Quang-Urang  ba jalan palei ilamo brei thau: “Ngak urang ba jalan di Palei ilamo hu daong ka dahlak hu jien mek tame glaong. Bruk ini daok hu daong ka dahlak yaih khan ilamo meng kan di bangsa Khmer tal taong abih manuac sia. Hu mbaok tame ngak danak dak padang mbang ngui ini khaol dahlak patak pataom hu jien padai saong khik ramik hu ilamo di bangsa drei”.

Urak ini yaok bilan, Palei Ilamo rivang ma-in Khmer taduan raok yaok rituh kapul urang tuai dalam saong langiu negar mai rivang saong mong iek rilo bruk ngak yau: ngak piên, chat tamia, rivang palei bích họa, mong iek labik mekre saong duah thau ilamo, adat cambat, baha, kandi. Daok dom urang ngak bruk di danak dak ye dak harei dak naih gheih dalam bruk ngak kayua hu pato pathram.

Gru So Rone, Phaok Akaok sang bac Trung cấp Pali Khmer Trà Vinh chreih chrai brei thau, ini lac sa dalam dom danak dak ilamu, rivang ma-in prong, ndung bak ilamu bol bhap rah ra daok hu tỉnh Trà Vinh pataom tame ngak piah cak rok patagok gah Du lịch meng ini tal thun 2020.

 “Palei Ilamo rivang ma-in Khmer pambuak pagam haong kadha siam gheih di palei ngak hu peih tabiak jalan brei ka tuai damuai hu ba drei tame tuk mai tal Trà Vinh, hu thau ka ilamu bangsa Khmer. Danak dak daok hu daong ngak brei kaya meda jang ilamu di 54 bangsa Việt Nam”, gru So Rone ndom yau nan./.

Urang lang : Jasi -6/9

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân