VOV.Bahnar - Năr ‘nâu đunh kơdâu ƀlep 80 sơnăm, Ƀok Hồ gơih kơThơ truh Hop akŏm kơ dôm hơdrĕch kon kông tơring Pơbăh, tơ̆ Pleiku (Gia Lai). 80 sơnăm đĭ hloh bơih, mă lei dôm nơ̆r pơkă đơ̆ng Ƀok Hồ oei tôch kăp gĭt. Đơ̆ng dôm nơ̆r pơkă hmă ră mă lei tôch kơ gĭt kăl ‘noh, kon pơlei kơ dôm hơdrĕch kon kông Tây Nguyên hlôi tơgoăt mĭnh jơhngơ̆m đon, vang hơdai băl yak hloh tơblăh vang, vei lăng pơlei pơla, pơjing tơdrong hơrih sa phĭ tơnŏ, hiôk chơt; tơgăl hăm tơring teh ‘bri măih, đak dơsĭ hu”, ƀĕnh tơdrong hơiă păng ‘mêm băl.