VOV.Bahnar - Lơ̆m pơlei pơla dang ei bu bu kŭm yua điê̆n thoăi hơgei, mạng tơpôl. Gơnang đơ̆ng noh, kon pơlei gơh răt, tĕch tơmam đơ̆ng choh jang sa đei, pơma dơnuh hăm ŭnh hnam, hŏk pơhrăm tơdrong hơiă. Mă lei kŭm kiơ̆ đơ̆ng mạng tơpôl mă lơ bơngai kơ nê̆ iŏk yua, ya hơnăn bơngai joăt nhăn tin tŏk iŏk jên. Tơdrong pơma dơnuh tơ̆ hơla âu ‘noh jĭ nơ̆r tơtă vă kơ mih ma duch nă yua mạng tơpôl hơgei păng sơđơ̆ng.