VOV.Bahnar – Kơtơ̆ng ang 'năr ou đei dôm kơtơ̆ng ang kăl tơ̆ hơla ou:
- Việt Nam - Hoa Kỳ pơtoi jang hơdoi vă chơ chă sir iŏk kơting linh lôch tang ăn teh đak.
-Hơnih tơm Chĭnh trĭ Khŭl linh kon pơlei Việt Nam pơgơ̆r akŏm chĭnh luâ̆n – joh ayŏ: “Nơ̆r pơkăp hăm mĕ” ƀơ̆t tơbăt 79 sơnăm Năr Linh jĭ rơka Linh lôch tang ăn teh đak (27/7).
- Khánh Hòa hơtŏk tơdrong jang kŏng ngĭp pơm tơlĕch tơmam drăm, iŏk jên jang FDI vă pơm duk
-“Tơroi gah kơtơ̆ng ang đei ƀôh” ah hơtuch noh tơroi kơ tơdrong jang Kŏng ang Lâm Đồng iŏk hloh 1.500 kơcheh kơting pơkăp ADN kơ 'nhŏng oh linh lôch tang vă chih akŏm lơ̆m kơmăi kơsô̆ kơ teh đak 'măn ăn tơdrong pơkăp hơnăn măt hăm kơting linh lôch tang tam mă băt hơdah pơlei pơla.