Pathau mik va song tong abih gauk! Bài chòi lac sa janih  main meng kan di ong muk dok khik veik mbiah tal urak ni di gah kreih negar  Việt Nam. Di ban klak Hội An, tỉnh Quảng Nam, doh  chòi hu me-in yaok melam , pachreih hu rilo tuai damuai song bhap bini hu mbaok tame. Urang vak Thanh Hà, dok di gah kreih negar  hu kadha vak brei thau ka bruk nan:

Hadei di dom harei hajan ia sua, mblang bein Hội An hu  rilo tuai di mblang bài chòi.Kreih mblang bein urang caik kreim padang quân bài, boh gar tong  nhịp. Dom hala daok khan bai sambo hồng hu jhik bahrau piah brei ka urang main janek

Tui dom  nghệ nhân bài chòi Trung bộ, angan ieu “ bài chòi” mai meng bruk me-in kayua dom urang main mbia dok la dalam  8 atau  10 boh chòi ngak jeng 2 talei pasang mbaok gauk, di sa akaok song kreih 2 talei chòi lac  chòi hiệu. Pandap main lac bộ bài hu  32 thẻ bài, parabha samu ka 10 urang    main,  yaok urang 3 quân, dok  2 quân caik veik. Urang pal akaok bruk main jeng hu sa bộ thẻ bài yau nan caik dalam sa nding kreim di angaok sa phun glong mbiah ginup piah  “anh hiệu” oh mboh dom quân bài, min suak hu nyu. Urang di chòi hiệu suak dom  quân bài di ống bài tabiak, yaok quân bài ye doh sa panuac piah dom urang di dom chòi sahaneng iek nan lac anek  bài hagaih. Dalam 10 urang main, thei hu quân bài yau angan quân bài saai Hiệu barhau ieu ye preo khang lac “hu ni”  hu sa urang lính lệ nduac mai song jao ka urang nan sa hala doh bloh salih mek quân bài. Ayhut Võ Thị Phương Hoài, MC bài chòi di Hội An khan lac:

Tuai meda tame main pang saai Hiệu doh dom ragu daoh bhap bini palei  Quảng. Trò chơi meng 5 tal  7 minite. Yaok  thẻ bài hu  3 haroh. Nyu dreih yau main lô tô min   doh   chòi meng 3 haroh. Dalam yaok mbang main meyah drei njauk 3 haroh ye drei lac  urang njauk thưởng.

2 Lavik ye, bhap bini  Hội An biak krein randap song sap ieu bingi pang, bui sambai tuk pok sap ieu “lời thai” dom anek  cờ Bạch Tuyết, Thái Tử, Ngũ dụm, Nhì bí, Tám giây di  “saai hiệu bài chòi” Nguyễn Đáng yaok melam di  phố cổ.  Tuk doh dom panuac ni, nghệ nhân Nguyễn Đáng bhian ngak ka urang klao sambai, ngak ka bruk main  Bài chòi chreih chrai tagok. Piah ngak hu yau nan, ong Đáng njauk duah thau cambaih ka sajarah, ilamu  ,,,,,, dom ragu  doh chòi piah tacei ba, langyah ka urang main, ka tuai damuia. Saai Nguyễn Thị Kim Liên, tuai mai meng Hà Nội biak takre dom ragu bhap bini bingi pang.

 Băng: Drei angan Liên, drei daok di  Hà Nội, mbang halei mai rivang Hội An drei jeng main, jeng hu mbaok, biak takre. Ragu bhap bini nyu tacei pato menuac sia bruk  gheih , bruk siam, drei njauk lo lo, biak patuah bo bui sambai tra. Sambai lac kayua drei hu sa kỷ niệm ka sa bruk main bhap bini song hu pang dom ragu bhap bini bo drei takre .

3 Ong Võ Phùng, Giám đốc Pasak ilamu  Thể thao ban  Hội An, brei thau buh rilo tuk vak duah pataom, padang veik bài chòi klak ka Hội An. Tui  ong Phùng, taphia  dom panuac doh bhap bini. Tui 4 ragu   lac Xuân Nữ, Cổ Bản, Xàng Xê song hò Quảng, doh chòi Hội An dok pandar rilo panuac doh lagaih song ragu bahrau. Hu yau nan meng tagok hu bruk siam bruk gheih di bài  chòi klak, min nyu dok dui hu tuai damuai mai main song janih daoh, me-in ni

Băng: Dalam peih ngak khol hulin brei hu âm thanh  siam piah ngak ka sap doh di adei saai gheih jang. Atau  quân bài praong 2cm kol hulin ngak brei prong jang piah tuai duai mong iek, hu tuk  langyah tapa sap Anh. Gaok tuk mai pandar dom panuac pandao  panuac pandit song dom panuac ieu biak lagaih. Piah ngak BREI chreih chrai brei pandar dom panuac dí dỏm. Taphia di nan brei patagok rai duik ka adei saai,. Bruk tinh thần saong vật chất brei samu gauk piah ka nghệ nhân  sahaneng hatai

BOX'  doh chòi lac  nghệ thuật bhap bini  bình dân, ndung mbak ilamu  bhap bini daok pak nan. Doh chòi yau suan yava dalam rai duik, brei mboh ilamu song bruk hadah krah di bhap bini, hu khik veik tapa rilo rairah. Doh chòi tui jalan me-in sambai, oh lac ba mai bui sambai saoh bo nyu dok lac labik parang me-in dom ragu daoh bhap bini  meng kan di menuac urang gah kreih negar. Kadha ni di  Hội An jeng hu dom janih Drei yau doh  chòi klak  di  Bình Định. ilamu  nan njauk  hu labik dang dalam gilang inem krung ilamu bhap bini Việt Nam song di menuac sia./.