Urang bac sy ranaih umo hu klah rabha ilamu di drei song urang jakar pal akaok 

Yam takai tame bruk di thun 1980, BS.Trần Văn Tuấn nao tui jalan di boh sang (ame  BS Tuấn jeng lac  bác sĩ dự phòng) ngan song hatai sahneng lac pacang ruak siam jang iek ruak. Tuk vak nan, yaok urang jakar hu brei bruk tui iek  sa huyện, gam mbang, gam dok, gam ngak bruk hong palei, hong rahra. Yaok harei, saai cakon pandap  tal yaok sang, jak ba klauk jru pacang caga ruak. Takai di saai yam tal tong abih dom xã, phường, ban sit di ban Cần Thơ.

Hu nao tapa rilo mbang mesruh pacang jit (jit tả, pandiak tabiak drah , SARS, kum menuh ada...) min, oh hu kan kandah halei  ngak ka  BS Tuấn kadun likuk. BS Huỳnh Minh Trúc, Akaok  CDC Cần Thơ, brei thau: “Mbang mesruh hong COVID-19 dok di tuk kan kandah ,kayua yau nan ye, pasak hu pambuak bruk song BS Tuấn piah saai dong ka adei saai pacang jit”. 

Jiak  2 thun ni mai, BS Tuấn hu mbaok di tong abih labik pandiak di jit ruak COVID-19 yau: drak pasa  Tân An, drak  pasa Trường Xuân, mblang kapan haoh, labik brei dok karei, phường Hưng Phú, An Thới... Hu mbaok pak di labik pandiak pacang jit, oh lac harei atau melam, BS Tuấn gam ngak, gam jak ba, kakei adei saai khik siam mekre salamat. Lingiu di nan, BS Tuấn dok nao taom gaok yaok rituh  F0, F1, F2 piah duah thau urang taom gaok thei, duah labik pambak ruak, ba nao iek ruak, brei dok karei, mek mẫu dut iek. Hu dom melam oh ndih di mblang kapan haoh dunya Cần Thơ cang rahra mai palei negar piah mek mẫu dut iek.

Ngan song BS Tuấn, ngak bruk pacang jit lac oh hu harei padeih, hu điện thoại lac tagok jalan. Tuk hu tangi sua, umo glong, di sang dok duik, anek, BS huac njom COVID-19 song huac mbak ka gauk gar halei oh, BS Tuấn javap jalei lac: “Chủng Delta mbuan njom, metai rilo,  min pacang jit bo urang  jakar  huac ye hu hei ngak.Urang jakar ngak bruk pacang jit brei khang hatai, pabak ilamu, khik iek rup drei eng, saong tacei pato ka urang karei khik iek rup, khik iek gauk gar”. Bruk abih hatai, anit ranam bruk  ngak di  BS Tuấn hu pachreih dom urang daok ranaih daok ngak bruk pacang caga ruak di  CDC Cần Thơ  song dom labik pacang caga ruak karei karei./.

Urang lang: Hanipha- 11/10