Saai caong taneh ia samar pacang cakak hu jit ruak piah ka dom urang daok ngak bruk yau saai samar hu mai sang taom gaok diuk anek, gauk gar

Tagok jalan chip tuk taduan hu harak brei nao daong prein ka dom urang peih radaih haong gauk di ban raya HCM, saai Bình tuk halei jeng ngak siam bruk pajeng ba, tadaun raok dom F0 nao daok karei samar saong salamat. Saai khan lac “Rilo melam, dahlak saong dom urang y te biak glaih glar meng duah mboh sang di urang ruak dalam dom jalan sit. Dalam tukvak paatah di gauk, jaik abih dom jalan njauk pacang veik, khol dahlak njauk duah jalan karei piah nao, duah yaok jalan piah nao tal sang urang ruak. Rilo mbang tuk tal sang, urang oh khin nao daok karei, njauk ndom puac, langyah ka urang thau cambaih, nan ye abih biak rilo tukvak".

Tui saai Bình, hu rilo thun ngak bruk, min ka oh hu tuk halei saai saong dom urang ngak bruk haong gauk gaok kan kandah yau dom harei tapa. Tuk camriep, ka oh randap haong bruk ngak, nan ye saai biak glaih glar, sa harei hu ndih dom mon min, hu tuk brei tame ia nước biển. Blaoh bhain randap, prein yava hu tani tanat jang, pabak hu ka bruk ngak. Peih yaok rituh mbang radaih pajeng labaih 2.000 urang nao daok karei, saai Bình rilo mbang haok ia mata kayua anit bhap bini, anit dom hagait bo bhum taneh Sài Gòn daok gaok. Dom urang taha, kumei matain, adei sit rami ramik khan aw dalam melam hajan nao labik daok karei bo saai mboh pandiak harao.

Saai brei thau, rilo mbang taduan hu phone ieu nao pataom dom F0 meng dom labik dalam phường ba nao tal labik brei daok karei piah taong ruak, hu harei tabung glaong saai nao raok yaok rituh urang. Mai veik pasak y tế tuk maong 2 , maong 3 dah page ngak ka saai abih prein, min dah page harei hadei jeng tagok aval piah ngak bruk yaok harei.

Ong Trương Minh Thống Nhất, akaok bilai Y tế phường Tân Thới Nhất (Q.12), brei thau: “tukvak jit ruak tamuh tabiak khang, Công ty Phương Trang brei ka kol dahlak sa sruh radaih saong sa urang peih radaih, biak uan tabuan. Tukvak ban raya HCM peih bruk paatah di gauk, bruk ieu radaih pajeng ba, raok dom urang ruak biak kan kandah, urang halei jeng pandiak hatai. Meng di tuk hu radaih jeng hu mbuan lagaih, saai Bình oh lac daong ka khol dahlak raok urang ruak bo saai daok ngak gam dom bruk yau dom urang ngak gah y tế. Dom bruk daong gauk dalam tukvak ini hu makna biak praong. Oh thau dahlau tukvak, tuk halei hu ieu  ba urang ruak nao tal labik brei daok karei lac saai Bình saong dom urang y tế jeng samar drah tagok jalan chip. Mbang tapa tuk atau kayua biak glaih oh mbang tame lac bruk yaok harei”.

Saai Bình brei thau, diuk  anek jeng duh hatai, huac saai njauk njom ruak tuk ngak bruk dalam labik biak kan kandah. Min, saneng lac drei hu prein yava, meda hu mbaok tame rik daong hu, nan ye saai khang hatai mek bruk ngak di drei piah rik daong jhul kandun likuk jit ruak. Saai caong taneh ia samar pacang cakak hu jit ruak piah ka dom urang y tế, dom urang daok ngak bruk yau saai samar hu mai sang taom gaok diuk anek, gauk gar./.

Urang lang: Thu Thao – 18/10