Sa-ai Mathew pakacah saong padang kadung jien hu 64.500 USD piah alin hadiah ka Sài Gòn Children Charity

  Sa melam akaok bilan 7 thun ini, Chris Lewis - sa YouTuber hu labaih 560.000 urang tut angan tui iek – nao radaih patuh tal labik anak mblang bein Mai Dịch, Cầu Giấy, Hà Nội, vaih tame sa labik pablei njam tapen jalan. Pak ini sa-ai blei abih njam patam, baoh karaoh daok hu parang pablei. Biak di nyu Chris daok caong khin ngak sa danak dak ngak pahla. Di bilan 6 meng blaoh, sa-ai ba tagok Youtube di drei video sa-ai blei 50kg vải thiều piah daong ka mikva Bắc Giang dalam bilan jit saong ba abih baoh vải nan nao alin hadiah ka urang. Video taduan hu rilo panuac pok meyaom, hu urang mong iek oh brei thau angan caong khin alin hadiah ka sa-ai 200 USD piah ka sa-ai patui bruk ngak pahla di drei.

Caik dalam hatian bruk caong khin daong urang kamei pablei njam melam bo sa-ai bhian gaok, nan ye Chris sahneng tal bruk ngak brei anai pablei njam tatuak drei. Sa-ai nao blei bảng mai vak tagok akhar “Labik mek njam oh abih jien" saong ba caik anak labik anai pablei njam. Sa-ai blei abih njam nan piah ka anai nao sang avar, blaoh sa-ai daok sa drei pak nan alin hadiah njam ka mikva tal jaik mon 11 melam.

Bruk ngak di Chris pachreih hu bruk caik hatai di urang mai blei njam, hu urang daok caong khin ba-yar jien piah daong ka anai pablei njam nan, urang karei  tok mek njauk janih njam drei mbang. Hu sa-ai radaih kuan công nghệ daok chreih chai dang tabiak meyaih khan ka labik pablei njam, daok ayut sinh viên ye ba tagok Facebook piah ka ayut di drei thau piah mai daong blei. Tui nan, "labik pablei njam di ong Chris" lingiu di bruk daong ka anai pablei njam hu nao sang avan harei nan bo daok pambak hu kadha bui sambai ka rilo manuac urang.  

Mathew (umo 37 thun, urang Anh) dahlau daih ma-in quyền anh nghiệp dư. Bilan 3 meng blaoh sa-ai pakacah saong padang kadung jien hu 64.500 USD piah alin hadiah ka Sài Gòn Children Charity, rik daong padang ngak dua baoh sang bac saong peih ngak  danak dak "Balô pacang COVID-19". Hatai saneng "Balô pacang COVID-19" hu payua 3.395 balô tal yaok ribau baoh sang gaok kan kandah kayua jit ruak di grauk labik gah Barak, bhum Kreih negar, saong gah Meraong. Yaok balô hu bak pandap panda kaya mbang yaom 1,4 triệu đồng ka sa baoh sang 4 urang dalam 1 bilan saong tapuk siphau, pandap ma-in ka uranaih dalam dom harei njauk pacang veik kayua jit ruak.

Matthew brei thau dalam mbang jit COVID-19 urak ini, rilo urang negar langiu tabiak truh Việt Nam. Sa-ai palih ruah daok veik saong mong mboh hu biak rilo kadha siam di urang Việt Nam jeng yau urang negar langiu. Mathew ndom lac: "Urang pachreih gauk, daong ba gauk, kham merat pambak prong dom kadha siam gheih, pachreih hatai gauk dalam dom harei jit ruak kan kandah".

Urang lang: Jasi – 13/09