Tui sarak adat di labik huruh a, khoan 1, Paka 22 Hukum Bao hiem y te thun 2024, camreip meng harei 1-1-2026, 11 kapul urang hadei di ini hu Kadung jien Bao hiem y te bayar taong abih 100% jien iek ruak, taong ruak, dalam nan hu:

Ka sa, si quan Bol lin rahra hu ilamo daok ngak bruk; si quan, ha si quan ngak bruk saong si quan, ha si quan ilamo ky thuat daok ngak bruk dalam kapul Polis rahra; urang ngak bruk cơ yếu krih mbang jien bilan yau urang daok di bol lin.

Ka dua, ha si quan, Bol lin rahra daok ngak bruk; ha si quan, bol lin dalam Polis Kong an rahra; urang bac megru dalam Sang bac Bol lin, Kong an, urang bac megru krih cơ yếu mbang tui jien pandar dalam raidiuk lac urang Viet Nam.

Ya ka klau, urang bac megru dalam Sang bac Bol lin, Kong an, urang bac megru krih cơ yếu mbang tui jien pandar ka bruk daok dang lac urang negar langiu.

Ka pak, urang bac megru si quan caga meng 3 bilan ba tagok oh ka tut angan bao hiem xa hoi, bao hiem y te.

Ka lime, rahra bol lin daok bhian dalam bruk ngak.

Ka nam, urang hu daong bruk katmang tui adat di Hukum nagar brei Laba ka urang daong bruk katmang; bol lin meng kal dahlau.

Ka tijuh, uranaih meng ala umo 6 thun.

Ka dalipan, urang dalam sang bol lin plang matai lahik ka taneh ia, urang raong bol lin meng jaman mesuh metak tui adat di hukum nagar brei urang daong bruk nagar.

Ka Samilan, urang baoh sang kathaot; rahra bangsa takik daok dalam sang jaik kathaot daok di bhum urang bangsa takik saong bhum ceik; urang bangsa takik daok di bhum hu kein lagaih kinh te – xa hoi kan kandah; urang daok di bhum hu kinh te – xa hoi biak kan kandah; urang diuk rai di xa kaoh pulao, huyen kaoh pulao (urak ini ieu lac dac khu).

Ka sa pluh, urang daok mbang tui jien daong rahra yaok bilan; urang mbang tui jien daong raong yaok bilan; urang mbang tui jien daong brei ngak adat ka urang “taha” matai lahik daok di sarak daong rahra.

Ka sa pluh sa, urang hu ginup meng umo 75 thun ba tagok daok mbang tui jien daong tuất yaok bilan; urang meng ginup meng umo 70 thun tal ala umo 75 thun daok dalam baoh sang jaik kathaot saong daok mbang tui jien daong brei ngak adat ka urang “taha” matai lahik yaok bilan./.