Rajaei bahrau ba tabiak Sarak ka 03 brei adat ka bruk peih ngak, danak dak di kadung jien rahra, kadung jien pahla. Sarak ini langyah tanta ka kadha “kadung jien rahra”, “kadung jien pahla”. Dalam nan Kadung jien rahra, kadung jien pahla hu peih ngak, danak dak oh lac sa janih piah duah laba dalam nan blaoh daok lac piah daong, pachreih patagok ilamo, pato megru, y te, pahat padhih, ilamo khoa hoc, ngak kong, salih bahrau, hadah krah, salih lek taka so, gah ngak nong, palei pacang khik drap ar saong alam langik; bhap bini, bruk pahla, bruk daok dang mbang ngui; daok dom urang gaok kan kandah, metui mejua njauk hu bruk daong di rahra; daong pasiam kan kandah kayua bala, apui khuah, jit ruak tui adat di hukum.

Menuac urang ta-eng, kapul urang negar langiu rik drap ar gam haong rahra, kapul di Viet Nam piah padang kadung jien di Viet Nam, blaoh ngak njauk tui dom adat tani tanat cambaic.

Karja brei kein lagaih piah kadung jien peih ngak, danak dak tui njauk adat di hukum saong kadha di kadung jien. Karja daong jien piah kadung jien ngak tui dom bruk hu Karja jao bruk (meyah hu). Bruk rik daong drap ar jien padai di menuac urang, kapul tame kadung jien hu pandar dom sarak lagaih tui adat di hukum.

Abih di nyu nan lac, Sarak pakauk pambak tame bruk padang saong peih ngak, danak dak di kadung jien piah ngak dom bruk yau hadei ini:

- Ngak chung taka brei, jalan ngak di kadung jien, ngak kanjah tal angan je di Karja, jabat, kapul, menuac urang, bhap bini; ngak jhak tal kein lagaih di negar, an ninh, quoc phong, bruk gul pataom taong abih bangsa adei sa-ai, quyen saong kein lagaih njauk hukum di kapul, menuac urang.

- Ngak kan kandah tal bruk siam gheih dalam rahra, dom adat gheih ghang siam mekre di bhap bini, ilamo bangsa, adat cambat, agama.

- Mbang jien, bleik saleik, pandar harak bayar jien oh njauk, ngak dom bruk oh njauk atau pambuak saong dom kapul, menuac urang piah dauk kak jien je, bleik saleik kak jien je atau ngak chung dom adat karei di hukum ka jien padai, jien je, kuhria ka jien dalam luac jalan padang, danak dak pandar kadung jien.

- Rao jien, daong khung bo saong dom bruk chung hukum.

- Ngak ja, tayah, salih, brei pah, brei nyim, padang harak adat padang kadung jien meng yaok bruk halei.

- Taduan jien payua, jien brei mesraiy, jien rik buh tame ngak phun.

- Pandar kadung jien karja, pandar atau daong drap ar hu kadung jien karja jao bruk atau hu mai meng kadung jien karja piah pandar rik tame drap ar padang kadung jien.

Karja brei kein lagaih piah kadung jien peih ngak, danak dak tui njauk adat di hukum saong adat di kadung jien.

Karja daong jien piah kadung jien ngak dom bruk hu Karja jao bruk brei (meyah hu).

Bruk rik daong drap ar di menuac urang, kapul tame kadung jien hu pandar dom sarak lagaih tui adat di hukum nagar./.