Cục An toàn Thông tin, Mentri Thông tin saong Truyền thông yaok pataom hu 5 jalan pachot pagat meda daok rah tabiak dalam bilan dulich hè ini, nan lac: kol pachot pagat yaih khan angaok Internet saong mạng xã hội tour dulich, bilik ndih padeih padei yaom lap min rilo siam lagaih, iew urang payua jien tame caik takai. Hu tuk, kol nyu daok ngak ja harak bayar jien hu mbaoh tara kong ty, piah urang jia payua jien online meng 30% tal 50% yaom harak pambuak bruk blaoh nyu pacang cakak oh ieu phone hu, meblah mek jien caik takai. Sa jalan bleik karei lac padang dom nyaom atau ba tagok dom kadha yaih khan ka bruk daong ngak VISA (thị thực) dulich  negar langiu, bayar veik abih  jien meyah oh likau hu VISA. Tuk hu urang khin ngak, kol nyu iew bayar jien meneing, payua khaw tin…Hadei di tuk urang payua harak vak khaw tin di drei mai veik, kol nyu lac daok kurang, oh ngak hu VISA, meda bayar jien veik atau oh. Tapa nan, kol pagat nyu klaik khaw tin di urang.

Meng dom khaw tin nan, kol pachot pagat nyu pandar piah pachot pagat ka klau: Nan lac ngak ja atau blah mek tai khoan mạng xa hoi urang pandar. Meng nan, kol nyu mek khaw tin di urang blaoh duah dom jalan pachot pagat kan thau jang tui jalan kong nghe Deepface. Pambak tame kong nghe ini, kol pachot pagat  nyu ngak dom video katut saong pagam sap ndem tame piah ngak ja lac ayut sahabat, gauk gar piah nyim jien. Ong Nguyễn Minh Đức – Yam ndok Cty CP An toàn Thông tin CyRadar mboh lac: “Pachot pagat online lac hu pagam dua bruk, ka sa lac taong tame hatai hawa, mbuan jia di khol drei. Kadua lac pandar kong nghe piah pachot pagat. Abih di  nyu nan lac dom bruk  bo nyu ngak tabiak piah khol drei gam tame tui dalikan nan, bo kol drei mbuan njauk lah pachot. Nan lac dom kong nghe bo kol nyu pandar piah pachot pagat khol drei”

Tuk khaw tin urang parang tabiak, dom thaot binguk ayut sahabat, gauk gar, bruk bhian randap, bruk takre di mang xa hoi…kol nyu mek hu ba tal rilo bruk jhak karei, bo urang pandar kan thau dahlau. Ini lac jalan pachot pagat ka pak.

Jalan pachot pagat ka 5 bo dom urang ilamu gah an ninh mạng brei thau dahlau, lac: dalam tuk tabung glong dulich hè, kol pachot pagat ngak ja labik pablei ve kapal haok, padang dom website, mạng xã hội, jalan link. Hadei di nan, yaih khan yaom harak ve biak lap, tuk hu menuac blei, kol nyu payua ma kakei blei saong iew urang payua jien. Tuk tabiak tal mblang kapal haok meng thau lac drei njauk lah pachot.

Piah oh njauk lah pachot pagat online tuk kakei tour, vé radaih, ve kapal haok online, atau dom dich vu ndik daok…ka mbang padeih hè anak tal, brei caik hatai sangka tuk gah yulit iew payua jien takai, siam di nyu brei bayar jien tapak. Ong Ngô Tuấn Anh - Pho Akok Hiệp hội An toàn Thông tin Việt Nam, Taong Yam ndok Cty An ninh mạng thông minh SCS – tacei lac:“ Khol drei brei caik hatai sangka dalam bruk cài đặt truy cập tame ứng dụng  piah pandar. Kadua lac ngan haong ứng dụng angaok mac tính, jeng yau angaok phone tangin, tok cài ứng dụng meng dom kho ung dung cambaih laih. Oh cai đat dom ung dung oh thau cambaih, kayua dom phan mem, ung dung oh thau meng halei meda jeng dom labik pambak tabiak ma ndoc di hacker”.