Piah caga dom kon bleik blah mek kaya ngui tui jalan internet, kon bleik blah mek di internet pakat glaong, Polih B. Hồ Chí Minh barau ba tabiak panuac ieu kakei rahra bhap bini hadar, kanal, ngak njauk tui panuac: "2 Njauk - 4 Oh" piah caga, pacang,cakak kon bleik tapak angaok internet, khik caga kaya ngui:

Dua njauk nan lac:

- Njauk bhian caik hatai caga ieik glang, khik kajap dom  khao tin rup eng, yau ye: khau tin kat căn cước bhap bini; khau tin gilang pariak; khao tin drei di internet...

- Njauk khan brei polih thau tuk mboh medil, tuk hu telefon ieu, panuac payua mai atau dom janih mboh medil lac kon bleik blah jeng ye oh ka thau cambac lac njauk  khan tapak dom jabat dang bruk piah brei pato tacei jalan lagaih.

Pak oh nan lac:

- Oh huac: Oh huac  tuk taduan hu phone ieu, panuac payua mai, dom khao tin payua mai hu panuac jhak gam tal angan drei atau gauk hatian ralow darah, brei khan dom janih kadha pambuak tal bruk jhak, tal dom bruk ngak duas

- Oh hawa: Oh hawa khin ndap nda kaya ngui, ndap nda lin hadiah di urang oh camabc lac gok gha asal di nyu, dom kein raba "oh njauk biak" oh njauk tui preih yawa di drei buh tabiak, dom panuac yamen bingi, pachot lac "bruk njual jien bilan glaong "...

- Oh taduan panuac mek ngak ayuti sahabat haong urang drei krein, oh randap: Bien halei hu urang oh krein oh randap di internat khin ngak ayut ngak krein, da a raok tame kapul nyaom haong nyu min tapi drei oh krein oh randap, oh thau tantu ye oh mek ngak yut, oh pambuak panuac, oh tame; oh brei khaotin rup drei piah kon nyu bleik blah.

- Oh payua jien ndo: Bien halei hu manuac urang drei oh thau oh krein khin hu drei brei khaotin rup drei ka nyu atau ieu payua jien jeng ye ngak tui dom bruk tui hatai nyu khin, drei oh ngak tui.

Langiu di nan njauk caik hatai lac taong abih mbang nyu ieu dang angan polih (langiu di polih bhum palei hu lek ka telefon brei ka bhap bini thau) khin drei ngak tui, taong abih nan lac kol blah, bleik./.