Jabat công an bahrau hu panuac kakei tal bhap bani ka bruk njauk meblah mek drap ar tuk blei njim phon piah tame phần mềm ja mek angan Dịch vụ công.

Tukvak tapa, rilo bhap bani kayua phon tame phần mềm ja mek angan Dịch vụ công njauk kol bleik nyu blah mek quyền pandar phon blaoh meblah mek drap ar. Dalam nan hu dom bruk kayua gauk gar atau ayut sahabat njim phon piah tame phần mềm ja mek angan Dịch vụ công.

Sa dalam dom urang njauk bala nan, lac sa-ai H (daok di Hà Nội) kayua brei ka ayut sahabat njim phon piah tame phần mềm ja mek angan Dịch vụ công nan ye njauk meblah mek drap ar. Di jabat Công an, sa-ai H brei thau ayut sahabat di drei lac sa-ai K taduan hu mbang ieu phon di urang mek angan lac urang jarka Công an phường iew nao tal jabat Công an piah tame tài khoản định danh cá nhân.

Kayua sa-ai K jan van haong bruk ngak nan ye oh nao tapak tal jabat Công an piah ngak bruk. Kol bleik nyu ndom haong sa-ai K lac Mentri Công an hu peih bruk daong ngak tapa mạng piah palaghaih ka bhap bani saong tacei pato sa-ai K pandar phon hu hệ điều hành Android piah mek phần mềm saong tame ứng dụng ja mek angan Dịch vụ công. Kayua sa-ai K oh pandar phon hu hệ điều hành Android nan ye njim phon di sa-ai H piah tame ứng dụng ja tui panuac tacei di kol bleik.

Langiu di nan, kol bleik daok ieu sa-ai K tame tài khoản gilang pariak piah ba-yar jien sahui dịch vụ. Bruk pamaong tal di kol bleik lac mek thong tin ka số tài khoản, mật khẩu piah tame tài khoản gilang pariak di sa-ai K tuk tame angaok phon di sa-ai H. Hadei di tuk phần mềm tame blaoh saong blah mek hu quyền pandar phon, kol bleik nyu klaik mek mật khẩu tame tài khoản gilang pariak, mã OTP giao dịch saong ngak dom lệnh chuyển jien, meblah mek jien di taong abih tài khoản gilang pariak hu dalam phon di sa-ai H saong tài khoản gilang pariak di sa-ai K bahrau tame.

Dalam bruk pachot nan, kol bleik nyu ngak dom bruk lac: mek angan urang jakar, urang ngak bruk di jabat Karja ieu pambuak bruk; tacei pato urang mek saong tame ứng dụng ja; saong taduan mek lệnh meng mac chủ di njaom tấn công; njaom tấn công meda tui iek, klaik mek meng atah dữ liệu angaok phon di urang pandar saong meng nan mbuan meblah mek drap ar.  

Piah pacang caga bruk bleik pachot nan, Phòng An ninh mạng saong pacang caga tội phạm pandar công nghệ glaong, Công an ieu bhap bini ngak dom bruk yau ini:

1. Oh tame atau brei ka gauk gar, ayut sahabat njim điện thoại piah tame phần mềm ja mek angan Dịch vụ công, phần mềm oh thau cambaih asal di nyu.

2. Tuk gauk gar, ayut sahabat njim điện thoại piah tame phần mềm oh thau cambaih asal di nyu, njauk pasang iek duah thau cambaih laih thong tin dahlau di tuk brei njim.

3. Bhian duah thau jalan ngak di kol bleik saleik meng dom harak, báo, rayo, tivi saong khan veik ka gauk gar, urang daok jaik taphia thau piah pacang caga.

4. Meyah mboh bruk yau bleik saleik, bhap bani khan brei jabat cơ quan Công an thau chip piah samar langayah tui njauk adat hukum./.