Khik uranaih di môi trường mạng lac bruk njauk ngak samar drah di urak ini, kayua bruk cak rok patagok di kong nghe hu ba mai ka uranaih jalan taom gaok rilo jang haong internet. Min, di umo thun ini, dom uranaih bhian takik hu pabak dom ilamu  eng drei khik caga, mbuan gaok dom kan kandah saong njauk xâm hại rilo jang yau ye njauk co klaik mek khau tin saong pandar dom khau tin di drei tame dom bruk ngak jhak, mbuan njauk pacuh pajarak ngak suan adat hukum, njauk rapeik rapai, taong paoh saong pachot pagait tapa dom bruk ma-in di mangaok mạng….

Piah pabak dom adat hukum khik caga uranaih, meng thun 2020 tal urak ini, Mintri Lao động - Thương binh saong Xã hội, Mintri Thông tin saong Truyền thông, Mintri Công an hu pambuak gauk biak catang, langyah dom bruk uranaih di mangaok mang, hu harak gar langyah samar drah, khang hatai langyah dom bruk ngak suan. Abih di nyu nan lac, ngan haong dom khau tin jhak, oh siam di mangaok mang xa hoi yau ye Facebook, Youtube, khang hatai ieu kakei dom doanh nghiep pabak jit vu negar yah klaak khau tin suan hukum.

Thun 2021, Mạng lưới daong, khik uranaih di mangaok mang hu padang tabiak haong bruk hu mbaok tame di 24 labik lac dom jabat khik ramik kanja, dom kapul nyaom xã hội, doanh nghiệp,… piah paglaong kein lagaih khik ramik kanja saong dom bruk pacang caga rapeik rapai uranaih di mangaok mang piah daong paglaong hatai sahaneng di rahra saong ngak jeng sa labik mang xa hoi salamat, siam makre ka uranaih.

Tukvak tapa, Mintri Lao động - Thương binh saong Xã hội hu pambuak haong dom kapul nyaom hu pambuak tal peih dom bruk ngak, danak dak brei thau ka bruk khik uranaih di mangaok mang xa hoi, ngak harak tờ rơi, asal kadha, clip pato tacei dom ilamo salamat di mangaok mang ka uranaih ma-in mang xa hoi. Dom kadha ini hu payua tal dom tinh, ban saong ba tagok blah website di Cục Trẻ em, laik phone 111.

Min, taphia dom jak jeng tuk camriep, kol drei jeng daok gaok rilo kan kandah, tavak tavaiy dalam bruk khik uranaih di mangaok mạng. Dalam nan, njauk ndem tal bruk talaih klak dom asal kadha oh siam daok gaok kan kandah, tavak tavaiy kayua gah pabak khau tin meng dom nền tảng negar langiu.

Taphia dom jalan ngak gah sarak, ilamo kỹ thuật, ye yaok baoh sang, sang bac saong rahra njauk paatgok bruk pabak ilamo saong kỹ năng eng drei pacang caga ka uranaih, daong ka uranaih thau khik khau tin di drei saong ma-in siam makre, salamat, sahneng duah bahrau di mangaok mang. Piah khik uranaih anak dom bruk mbuan gaok kanjak jhak tuk ma-in mang xã hội, bruk pabak dom ilamo, kỹ năng lagaih tui yaok umo thun piah ka dom adei thau eng drei khik caga saong thau jalan ma-in hu salamat lac biak njauk ngak, nan lac “vắc xin số” duh ka dom rahra uranaih./.