Kong an Ban Gia Nghĩa, tỉnh Đắk Nông hu cap mek Đàm Văn Tuyên (daok di quận Nam Từ Liêm, Ban Hà Nội) kayua pablei pandap tapa MXH blaoh meblah jiak 12 tỉ đồng jien caik takai di labaih 3.100 urang dalam negar. Dom pandap hu Tuyên ba tagok pablei di angak MXH lac kaya nong “pablei pandap piah mek veik phun jien” haong yaom lap samu meteh yaom darak pasar. Tuk tuai khin blei, Tuyên iew caik jien takai tapa tai khoan gilang pariak, tuk taduan hu jien takai blaoh Tuyên oh payua pandap.
Jeng tui jalan ngak lac “sale sập sàn”, Cao Thị Huyền Trang (daok di Ban Hà Nội) iew pablei pandap klak yau tu la-ar, tivi, sofa haong yaom lap sumu 1/3 yaom darak pasar. Hadei di tuk urang blei payua jien takai blaoh, urang pablei payua thaok radaih pajeng padap saong laik phone radaih pajeng ka urang blei iew mai ye hu urang karei brei thau lac pandap hu ba tagok radaih piah ka urang jia blaoh Trang iew urang blei payua jien veik. Meng jalan ngak ini, Trang pachot pagat labaih 100 urang haong yaom jien abih tih labaih 1,3 tỉ đồng.
Kong an tỉnh Hà Tĩnh jeng birau cap mek Hoàng Nhật Linh tuk daok pachot pagat pablei 12 sruh radaih oto klak dom janih, meblah labaih 2,7 tỉ đồng. Langiu di bruk pachot pagat lac ba tagok mang di dom kapol nyaom blei salih radaih haong asar kadha yaih khan bruk pablei radaih, oto di hai quan thanh lý haong yaom biak lap, kol nyu daok taduan ngak ja harak gar piah brei thau radaih hu meng halei mai. Tuk taduan hu jien takai blaoh, kol nan mek jei lac kayua harak gal oh ka salah, radaih oh ka mai tal atau tavak tame pasang iek di jabat chuc nang saong iew urang blei buh jien tame veik “ piah langyah bruk nan”, blaoh cakak oh taom gaok hu veik tra, tui nan, menuac saong jien jeng lahik nao.
Urak ini, rilo tai khoan MXH gam gam ba tagok bruk pablei radaih patuh, phone tangin, đồng hồ, tivi, tủ lạnh, laptop, mac thaok binguk, ong kính mac thaok binguk tame dom kapul, nyaom yau pablei thanh ly pandap yaom lap, radaih patuh, radaih oh hu harak gal,…yaom lap jang darak pasar piah pachot pagat urang kakei blei, payua jien takai, payua jien pajeng ba…Kol nyu ba thaot binguk pandap, bruk blei - pablei tagok angaok mạng piah urang jia tame. Kayua jien khik takai kol nyu meblah mek oh ralo, bhian meng 200 ribau dong tal sa trieu dong yau nan ye ralo urang luai lahik. Nan ye bruk pachot pagat daok rah tabiak miat.
Anak bruk yau nan, bhap bini njauk paglong hatai sangka haong bruk pablei pandap yaom lap, payua jien takai, jien pajeng ba. Piah plaih njauk pachot pagat, urang blei pandap brei ndem biai cambaic laic tok bayar jien tuk taduan hu pandap saong iek pandap piah plaik njauk lah pachot pagat lahik jien takai. Langiu di nan, bruk mikva blei salih drap ar rilo jien, oh thau cambaih asal di nyu angaok mạng meda ba duas blei, pablei, pandar drap ar kayua co klaik, kayua ngak suan hukum bo hu.
Piah plaih njauk bala di kol pachot pagat, mikva tuk halei jeng brei paglong hatai sangka, bhian duah thau cambaic dom jalan pachot pagat, meblah; kham merat pacang cakak kol kanjiak jak, rik daong khik kajap an ninh chính trị, sron mbon, salamat puk palei./.
Viết bình luận