Mintri Công an bahrau hu pato tacei dom jabat, doanh nghiệp, jabat công chứng jalan piah thau ứng dụng VNeID biak, ja saong CCCD biak, ja piah daong pacang cakak dom bruk ngak suan, ngak ja, khik tani tanat, siam makre ka rahra.

Ngan haong dom doanh nghiệp, tuk rahra mai peih VNeID, piah pasang iek nan njauk lac ứng dụng VNeID biak halei oh, dahlau di abih urang pasang iek brei hu ứng dụng VNeID. Hadei di nan ieu rahra peih tài khoản tame labik “cá nhân”, blaoh tame “xac minh ứng dụng tapa QR Code”, patui di nan pandar QR Code dalam ứng dụng VNeID di urang pasang iek piah quét veik mã di rahra.

Mã QR Code tok brei pandar dalam 60 giây, tuk abih tukvak brei ieu  rahra pabak veik mã. Tapa nan brei mboh mayah ứng dụng tagok tick hijao ye ứng dụng di rahra lac njauk, tabiak tick bhong lac ja.

Ngan haong CCCD hu 6 jalan piah thau lac biak atau ja yau hadei ini:

Ka sa, pasang iek biak cambaih harak gar hu ba tabiak piah mboh bruk oh njauk: iek lac klak atau bahrau di dom janih harak gar, mayah harak hu pabak meng lavik bo mực daok bahrau, baar biak kapal, trak jang dom harak gar karei; dom labik in di mangaok harak biak jhak, hu tuk suan chính tả; hu ngak brei kan duah thau, hu dấu mộc chìm, nổi jeng hu labik suan, haroh mbaoh tangin oh gam gauk.

Ka dua, tangi sua rilo jang manuac urang nan, mayah mboh bruk hagait karei atau mboh medil, urang jakar taduan harak gar njauk sua tangi dom labik di mangaok harak gar saong dom labik hu pambuak tal, gam tui iek ia mbaok di urang nan.

Ka klau, njauk pabak pandap daong ka urang jakar taduan ngak harak chứng thực: pandar dom mac pasang iek, kính lúp piah papraong tagok dom labik di harak gar (mộc ja tuk maong tame meda mboh akhar in di mangaok mộc hu dom tagei răng cưa, daok harak gar biak lac oh hu, thaot binguk quốc huy mayah ja lac oh cambaih, lahik dom labik, daok harak biak ye maong biak cambaih) jeng ba mai dom siam lagaih dalam bruk pacang caga.

Ka pak, pambuak haong gah công an piah ngak brei cambaih laih. Tuk mboh medil ye urang jakar taduan harak gar samar taom gaok, ieu labik ngak harak gar, atau menuac pambuak tal pabak brei dom khau tin piah ngak brei cambaih laih bruk njauk adat hukum di harak gar likau chứng thực.

Ka lime, pandar phần mềm hu Rar pabak jit vu xac thuc atau dom pandap piah pasang iek ngak brei cambaih laih CCCD pagam chíp (ngak cambaih the biak atau ja saong ngak cambaih sinh trắc học rahra). Atau ieu phone tal pasak Rar tapa laik phone 1900.0368 piah ngak brei cambiah laih.

Ka nam, pandar ứng dụngVNeID: xac thuc dua ứng dụng VNeID meng jalan pasang iek chéo atau pandar pandap pasang iek mã xác thực định danh chuyên dụng (ngak cambaih ứng dụng VNeID biak atau ja, pasang iek ngak cambaih mbaok di urang pandar).

Langiu di nan, mikva saong taong abih gauk meda thau lac CCCD biak atau ja meng dom bruk yau hadei di ni:

CCCD biak, labik Quốc huy saong labik in jeng mboh cambaih laih, sambo mau hadah mekre. Daok CCCD ja, Quốc huy saong labik in oh mboh cambaih, sambo mau jeng oh cambaih oh samu gauk.

Labik chip điện tử di CCCD biak hu ngak meng kim loại sambo kanjik pagam tapak tagok thẻ. Dalam tuk nan, the ja, chip hu in tapak atau pagam chip meng sim phone pan tangin tagok thẻ.

Labik haroh mbaoh tangin saong labik dấu di the biak saong the ja jeng hu rilo labik karei di gauk. Tui nan, akhar mbaoh tangin saong dau di mangaok the biak hu in cambaih, sambo mau hu ngak karei saong hadah, samu gauk. Daok di mangaok the ja, labik ini in oh cambaih, hu rilo sambo mau sarau haong gauk saong oh samu gauk./.