Mintri Kong an brei thau lac, kayua hu urang hua kein raba ralo di dom rahra kurang ilamo saong dom gah dom urang ngak mbang buh jien tame, kon nyu brei angan drei ieu lac urang ngak di gah cty chung khoan, ieu phone mai saong daa rahra ba rup tame dom nyaom (Group chat) di nyu, dom tal pato bac online ka bruk buh jien tame chung khoan. Tuk dom urang njauk bala njauk gauk ba rup tame, kon nyu mayaih khan tal kein raba ralo tuk buh jien tame mek hu laba glaong, hu blei dom lek angan mã cổ phiếu di majam chứng khoán Việt Nam ngan haong yaom lap jang darak pasar.                                                                                     .

Piah ngak ka urang jia hatai, dom urang pagait hu pabak ka dom urang njauk bala dom harak gar adat hukum di Kapul jien buh tame saong tai khoan gilang paraik taduan jeng jeng hu angan tai khoan Công ty, Quỹ đầu tư ngan haong dom panuac sanya l jien laba glaong, mayah lahik khat abih meda pabak biyar saong yaom blei dom mã cổ phiếu tapa dom Kadung jien buh tame meda hu brei kein laba meng 15%-30% dut saong yaom daok jao jit. Dom khau tin bo dom urang pagait ba tabiak, dom urang njauk bala mbuan jang pasang iek, duah mboh khau tin deih di mangaok mang internet saong meng nan jia tame dom harak gar adat hukum bo dom urang pagait ba tabiak.

Mada jeng hu biak rilo urang jia tame tui dom panuac sanya di kon nyu piah buh jien tame saong hu mboh hu rilo laba gam gam, meda lac jien laba glaong jang rilo mbang dalam dom mbang nao mai camriep. Dom urang buh jien tame jeng hu maong mboh rilo laba di dom urang buh jien tame karei (mai meng nick bhut oh njauk oh tapak oh biak). Anak mata mboh ini lac jalan pachot pagait ngak tabiak dom jao jit nao mai pachreih ba hatai jia, palua pagait, jak ba dom urang mbuan jia payua veik jien tame tai khoan buh akaok.

Min tapi, tuk urang njauk bala caong suak mek jien ye pathau khan lac ka oh ginup tanut ieik di Kadung. Tuk ini, dom urang meda oh padeih palua, pagait, jak ba, pandar urang payua jien tame tai khoan ngan haong makna lac: buh jien suan asal kadha nan ye he thong ka oh taduan hu, buh jien dom paok jien je, jien cai piah hu suak mek jien… rilo urang njauk bala pang tui, njauk payua veik mayah oh payua meda lahik abih jien buh tame dahlau di nan.

Bien halei dom urang njauk bala oh daok jien piah payua, dom urang bleih salih pagait meda kareik padam tai khoan di urang njauk bala atau ngak ka lek tai khoan di urang njauk bala nan oh tame hu, piah meblah mek jien bo urang njauk bala hu payua tame App. Tuk nen kon nyu uak bih angan lek tài khoản di urang njauk bala tabiak truh nyaom di intenet mang xa hoi saong pacang veik oh pathau khan hu haong urang njauk bala.

Dang anak dom bruk bleik pachot pagait nan, Mintri Kong an pakei lac:

Oh pang tui saong ngak tui dom panuac pachrot palua buh jien tame di mangaok intenet. Juai tui tame dom Group chat, oh buh jien tame dom Website, App bien halei drei ka oh thau tantu cambaih khau tin ka kapul dang ngak.

Mikva njauk duah thau dom khau tin di rilo gah, njauk di nyu tui pang di gah adat hukum nagar, yau ye: blah wed online di Ủy ban Chứng khoán Kanja; dom blah khau tin online ka jien padai, gilang paraik,… mayah hu hatai caong buh jien tame, rahra meda pilih ruah dom gah jao jit chung khoan hu Kanja pabak harak adat peih ngak.

Mayah daok susah dalam hatai njauk pathau khan chip tal jabat Kong an jaik di abih piah hu daong, langyah samar drah. /.