Kong an phuong Bình Cơ, Ban raya HCM hu pasang iek sa labik karaoke hu mboh dom bruk ngak chung yau chun ka quyen uranaih, chung ka hukum ngak bruk, chung hukum pablkei salih jitvu.

Tui di nan, labaih tuk 1 page harei 11-12, kapul kong an phuong Bình Cơ pasang iek Karaoke BTH, ye mboh yaom lac gah langiu kareik bambang padam gom min dalam kuan jeng daok ngak bruk. Labik ini hu 37 urang ngak bruk oh hu harak gar ngak bruk njauk hukum, dalam nan hu 21 urang ngak bruk oh ka ginup umo 18 thun.

Meng di ini, rilo urang sua tangi lac hukum ngak bruk brei adat yau habar ka bruk urang ngak bruk oh ka ginup umo 18 thun, saong dom asal kadha pambuak tal pablei salih jitvu karaoke, harak pambuak bruk…

Luat su Hoàng Anh Sơn, Kapul Luat su Ban raya HCM, brei thau Paka 3 Sarak 54/2019 brei adat ka bruk pablei salih jitvu karaoke yau ini: gah pablei salih atau baoh sang ngak mbang pablei salih tok hu peih jitvu karaoke hadei tuk hu brei Harak gal hu ginup pablei salih saong khik kajap dom kein lagaih tui adat di Sarak ini saong dom adat di hukum karei hu brei pambuak di nyu.

Gam haong di nan, khik kajap an ninh, siam mekre dalam rahra, bruk diuk rai, prein yava, ilamo saong drap ar jien padai di dom kapul, menuac urang hu mbaok tame jitvu karaoke, jitvu bar club. Oh pambak tame bruk pablei salih ngak tamuh bruk kanjah jhak dalam rahra, kol duas saong bruk ngak suan hukum karei.

Hukum Uranaih 2016 brei adat uranaih lac urang umo ala 16 thun. Uranaih lac sa dalam dom urang ngak bruk karei, hu pacang khik piah oh gaok bruk kateik geik prein ngak bruk; oh njauk ngak pah dahlau thun umo njauk brei nao ngak, tapa tukvak atau ngak bruk trak, bruk jhak, kan kandah; oh njauk brei bruk atau labik ngak bruk ngak kanjah jhak tal ilamo menuac urang saong bruk patagok praong sampurna taong abih…

Hukum Ngak bruk 2019 (labik d khoan 2 Paka 147) pakauk pandar urang ngak bruk meng ginup umo 15 thun tal oh ka ginup umo 18 thun ngak bruk di labik me-in mbia, kuan karaoke, hotel, sang padeih padei, labik menei thak ia, labik tacaoh capait rup; labik pablei salih xo so, labik me-in jamraik ndien tu.

Labik pablei salih jitvu karaoke brei pah urang ngak bruk ala umo 18 thun ngak bruk breitaong bhat tui khoan 3 Paka 29 Sarak 12/2022 (taong bhat jien 50-75 trieu dong). Ini lac tanut taong bhat harak gal ngan haong dom urang pablei salih ngak chung hukum. Daok tanut taong bhat ngan haong kapul lac tagok dua mbang (khoan 1 Paka 6 Sarak 12/2022).

Caik hatai lac: Tanut taong bhat pandar ka labik karaoke ini patui tame labik ini hu tut angan lac menuac urang (baoh sang pablei salih) atau kapul (gah ngak mbang pablei salih, kongti)./.