Kapul nyaom  Phương Trang (FUTA Group) peih ngak rilo bruk hu mbaok tame pacang caga jit

Anak brukm srau kadau di jit ruak, meng harei 23/9 tal harei 30/9/2021, ban raya HCM raok 1.500 y bác sĩ saong urang halar hatian meng dom tỉnh ban gah Barak tame daong pacang caga jit COVID-19 saong Kapul nyaom Phương Trang - FUTA Group halar hatian taduan bruk pajeng ba dom y bác sĩ. Tui ong Đào Viết Ánh, Phaok Tong Yam ndok Cty cổ phần Radaih pajeng tuai Phương Trang – FUTA Bus Lines, Phương Trang tuk halei jeng caga 300 sruh radaih meng 16 tal 45 kik daok piah pajeng ba dom  y bác sĩ.

Dahlau di nan, kapul nyaom Phương Trang - FUTA Group hu pambuak bruk haong Thành đoàn ban raya HCM peih ngak hu siam bruk pajeng ba 167 kapul nyaom di dom tỉnh ban mai daong ka TP.HCM meng Mblang kapar haok Tân Sơn Nhất mai tal dom khách sạn ngan haong jaik  27.000 mbang pajeng ba brei saoh.

Langiu di nan, FUTA Group hu ramik veik 320 sruh radaih 16 kik daok jeng radaih daong pajeng urang ruak piah daong ka TP.HCM peih ngak dom bruk samar drah yau cấp cứu urang ruak. Urak ini hu jaik 1.000 urang peih radaih di hãng radaih Phương Trang daok halar hatian hu mbaok tame dom bruk daong ka dom sang iek ruak, pasak y tế, labik taduan iek urang ruak di dom quận, huyện saong ban Thủ Đức.

Sa-ai Trần Minh Huy, urang jakar mặt trận - an ninh quốc phòng – labik daok bhap bani (Thành đoàn TP.HCM), brei thau: " Bruk taduan raok dom kapul urang ngak pahla tok lac bruk sit bo hãng radaih ini daok ngak biak abih hatai. Njauk ndom jang nan lac bruk rilo bilan dom urang peih radaih di Phương Trang hu nao gam haong y bác sĩ saong dom kapul halan hatain karei daok ngak bruk di TP.HCM”.

Taong abih harak gar jeng hu trun takik di abih. Tok hu jalan ngak  saong khan brei thau meng phon ye hãng hu brei radaih, urang peih radaih trun daong. Urang peih radaih hu mbaok njauk tuk, abih hatung hatai haong bruk ngak. Ngan haong dom kapul y bác sĩ bhian nao mai meng labik daok tal dom sang iek ruak dã chiến, hãng brei radaih hu mbaok di nan piah pajeng ba ka njauk tukvak ngak bruk, daong manuac ruak. Dom radaih ramik veik piah pajeng ba urang cấp cứu di hãng radaih Phương Trang jeng ngak siam bruk di drei oh lah hagait dom urang peih radaih cấp cứu di gah y tế.

Ong Phan Công Bằng, Phaok akaok Sở Jalan mbak Pajeng ba TP.HCM, brei thau: "Gah pajeng ba TP.HCM hu mboh saong saong ndua dhan phon bruk rik daong abih hatai di Kapul nyaom Phương Trang – FUTA Goup dalam bruk daong pacang caga jit ruak. Dom menuac peih radaih di Phương Trang tuk halei jeng hu mbaok luac harei melam piah gam haong dom gah karei peih ngak dom bruk pacang caga jit yaok harei saong samar drah tui jalan: sami samar, abih hatai brei ka bol bhap rahra. Dalam bruk daong pacang caga jit, Phương Trang hu ba caik bol bhap rahra tagok glaong saong oh sahneng tal jien ndo hagait"./.

Urang lang: Jasi – 04/10