Karisot – Bi thu chi doan tari tarang ngak kinh te gioi

     Tari tarang, abih hatai dalam dom bruk ngak di Đoàn, ngak mbang pablei salih naih joi, khin sahaneng khin ngak nan lac saai Karisot, ndih tapui thun 1983, bangsa Cam , Bí thư Chi đoàn ấp Tân Trung A, xã Tân Hưng, huyện Tân Châu, tỉnh Tây Ninh. Sa Phi Giá, urang vak di rayo sap ndom VN daok di ban raya Ho Chi Minh hu kadha vak yaih khan ka urang Bí thư Chi đoàn tari tarieng ini:         

     Menek tabiak dalam sa sang kathaot, hu 6 adei saai, meng sit saai Karisot njauk ngak bruk glaih glar, min meng sami samal, takre dom bruk ngak xã hội, yau nan ye saai tame ngak bruk đoàn saong bruk dam dara di puk palei. Meng sa urang đoàn, saai kariSot samal brei mboh bruk naih gheih di sa urang  pan akaok saong lac urang nao dahlau dalam bruk bac megru saong pathau khan sarak, jalan adat di Đảng. Thun 2000, meng abih hatai dalam bruk ngak, saai KariSot hu dom urang dalam ấp Tân Trung A anit ranam, pok ngak Bí thư chi đoàn ấp Tân Trung A, xã Tân Hưng, huyện Tân Châu, tỉnh Tây Ninh.

      Ngan saong damdara dalam palei, saai Kariot lac urang nao dahlau, sami samal dalam dom bruk ngak di damdara, ngak kreih camin ka urang ngak tui. Taphia di nan, saai khang hatai salih barau bruk ngak, taom gaok chi đoàn piah pachreih urang đoàn, damdara halan hatain kak kajap saong bruk.

     Piah ieu pataom damdara, saai KariSot bhian peih dom bruk  e pakacah thể thao,  doah tamia…Gam saong nan, ba tabiak dom bruk ngak di đoàn, jak ba dom damdara xung kích, halan hatian buh pren ka bhapbini; pablak pathau khan Luật An toàn Giao thông, jak ba bhapbini dak padang raidiuk ilimo…

       Lingiu di bruk đoàn, bhapbini ấp Tân Trung A daok thau tal saai KariSot lac sa dalam dom kreih camin damdara Cam yam tabiak truh kan kandah. Tuk lahaiy, sa-ai nao kuah katak mbang pah ka mikva dalam palei piah patagok jien mek tame. Lingiu di nan, saai KariSot daok peih quan pablei menuk am di sang. Jien mek tame meng kuah katak cao su mbang pah saong pablei menuk am di saai jaik 80 triệu đồng sa thun. Oh lac ngak kaya meda ka drei saoh, saai KariSot daok daong sang urang đoàn, damdara kathaot dalam palei pasiam raidiuk, gam saong Chi đoàn dang tabiak tín chấp piah Gilang pariak sarak karja tỉnh brei ka labaih 40 sang mesriay jien ba ia hacih tame pandar yaok sang, khik caga hacih saat alam moi truong.

      Meng hatai kham merat  yam tagok kan kandah saong paglaong bruk đoàn di puk palei, saai KariSot hu Tỉnh đoàn Tây Ninh alin rilo harak meyaom./.