# Phó Thủ tướng Trương Hòa Bình bahrau tacei pato Mintri jalan mbak Pajeng ba caik hatai pang dom kadha vak angaok dom blah báo brei thau ka bruk dom bala angaok jalan dalam tukvak tapa hu pambuak tal bruk urang peih radaih pandar chất kích thích dahalu di tuk peih radaih. Phó Thủ tướng brei bruk ka Mintri Jalan mbak pajeng ba samar langyah dom bruk bo dom báo brei thau saong ba tabiak jalan langyah, pok tagok breiThủ tướng Rajaei thau. 

# Pok panuac di Diễn đàn Du lịch ASEAN 2019 bahrau rah tabiak di ban Hạ Long, tỉnh Quảng Ninh, Phó Thủ tướng Vũ Đức Đam ndom lac: Tapa 38 thun, Diễn đàn du lịch dak harei brei mboh labik dang praong dalam pambuak bruk du lịch ASEAN saong dalam bruk kinh tế - ilamu, xã hội, du lịch, chính trị. Ngan song Việt Nam, Ini lac Diễn đàn prong abih di gah du lịch, oh lac daong ba tabiak sarak piah tagok samar song khang kajap di gah du lịch, bo dok ngak brei kajap jang talei pambuak dom bruk kham merat di Việt Nam song dom negar thành viên, piah dak padang ASEAN kaya meda song lac gah pambuak bruk njauk caik hatai jia. 

# 5 thun tapa, peih ngak dom quyết định 217, 218 di Bộ Chính trị khóa XI ka bruk dom kapul nyaom tame brei panuac rik daong dak padang Đảng, Karja saong Chỉ thị ka 19 di Thành ủy TPHCM ka bruk mặt trận tui iek urang jakar, urang ngak bruk karja, urang đảng di khu dân cư, UBMTTQ TPHCM hu pilih ruah dom quận huyện piah ngak iek, gam peih ngak, gam bac megru ilamu, tham mưu ka Thành ủy patabiak adat taom gaok, ndom biai tapak di urang dang akaok pakat ủy, karja haong bhap bini, tacei tabiak bruk ngak di kapul nyaom, menuac urang dalam bruk taduan mek panuac góp ý; patabiak bruk langyah dom panuac khan pambuak  tal dom kapul nyaom, menuac urang suy thoái gah chính trị, đạo đức, jalan diukrai, ngak suan adat hukum… Bhap bini di dom xã phường, ban sit di TP hu labaih 3.300 mbang pasang iek, tapa nan hu payua labaih 800 văn bản kiến nghị saong labaih 80% dom kiến nghị ini hu langyah bloh.

# Tapon  ikan hô dalam kraong ribaong urak ni biak kan duah. Min rilo urang nong di tỉnh An Giang duah hu jalan rong, mebaoh hu pajaih ikan ini. Urak ni, yaok thun, urang nong An Giang pablei tabiak labaih 50 tấn ikan hô, oh lac drak pasa dom  tỉnh miền Tây biak takre, bo menuac sia di bhum Đông Nam bộ jeng takre mbang kayua ralow nyu bingi song yaom mbaih mbang, meng kein laba ni rilo thun tapa urang nong tỉnh An Giang ba gauk rong janih kaya ikan ni.

# Harei pataom khan bai Việt Nam mbang ka 1 ngan saong kadha “Ilamu khan bai – gheih mekre pataom veik” hu tamat bloh tuk malam 16/1 di tỉnh Đắc Nông. Harei pataom khan bai Việt Nam hu peih ngak ngan saong rilo bruk, brei mboh bruk kham merat  abih drei di mBan peih ngak danak dak, gam saong dom pakat, dom gah, dom rairah bhap bini. Dom bruk di harei pataom hu makna biak praong dalam, rik daong praong ka bruk khik ramik, pasiam veik saong patagok ilamu meng kan di dom bangsa takaik Việt Nam,pabak bruk mbeik drei tame dunya saong cakrok patagok.

Khaw tin dunya: 

  # (Một vụ nổ xảy ra ngày 16/1 tại tòa nhà khu dân cư ở thành phố) Sa mbang patuh rah tabiak harei 16/1 di dom sang khu dân cư di ban Tbi-li-xi di  Gru-di-a ngak takik di abih 3 urang metai song rilo urang tame sang iek ruak.  Mintri  Nội vụ Gru-di-a brei thau, mbang patuh rah tabiak angaok tal 4 di boh sang dân cư glong 9 tal bahrau padang. Gah cứu hộ biak gleih glar piah padam apui khuah song ba menuac tabiak truh sang. Dom harak  báo pak ni ndom lac, Mbang patuh kayua rò rỉ ga. Urak ni, dom urang jakar dok duah thau kayua halei ba tal patuh.

# Takik di abih 890 menuac njauk urang pametai dalam dom bruk mesruh gauk gah bangsa di Cộng hòa Dân chủ Công-gô di bilan bloh. Bruk pandik harao nan hu Jabat quyền anek menuac di Liên hợp quốc brei thau dalam mbang họp báo harei 16/1. Dom menuac metai nan rilo jang 2 mbnag dut saong kuhria mboh dahlau di nan 2 harei  di dom urang ngak bruk xã hội di Công-gô.

# Tapa mbang yaok iek menuac sia negar Prang thun 2018, mboh lac bruk ndik tapui tok hu jaik 2 uranaih di sa urang kamei; hu 758.000 uranaih hu ndih tapui tabiak, takik jang 12.000 uranaih dut song thun 2017. Makna di bruk trun takik ni sa binah lac kayua urang kamei dalam umo mbuan ndik tapui di abih, meng 20 thun tal 40 thun hu takik. Kuhria tal harei 1/1/2019, Prang hu jaik 67 triệu menuac, dalam nan hu jaik 2 triệu 200 rabau urang dok di dom  taneh ia lingiu. Thun 2018, Prang hu 614.000 urang metai, rilo jang 8.000 urang dut song thun 2017. Umo trung bình di urang Prang lac labaih  85 thun  ngan song urang kamei song  80 thun ngan song urang likei./.