1 # Page 29/1, pak Phủ Chủ tịch, Tổng Bí thư, Chủ tịch nước Nguyễn Phú Trọng hu jao  Quyết định pok quân hàm cấp Đại tướng ka ong Tô Lâm, Uỷ viên Bộ Chính trị, Akaok mentri Công an saong ong Lương Cường, Bí thư Trung ương Đảng, Chủ nhiệm Tổng cục Chính trị Quân đội nhân dân Việt Nam. Brei panuac di van ngak lễ, lambaok urang pal akaok Đảng saong Karja, Tổng Bí thư, akaok negar Nguyễn Phú Trọng tadhau ayuh dua ong ini hadah mbaok meta hu pok  brei quân hàm Đại tướng, ndom lac ini  kadha hadah mbaok hadah meta oh lac tok haong  cá nhân saong baoh sang di yaok ong bo daok lac kadha hadah mbaok hadah meta haong taong abih urang jakar, bol lin pal phao krong bhap bini.

       2  # Ủy ban An toàn giao thông pakat negar  bahrau brei thau  20 leih phone  jalan talei pandiak, taduan song langyah panuac khan  ka trật tự an toàn giao thông tuk padeih Tết Nguyên đán song bilan  lễ hội xuân 2019. Piah brei thau ka dom bruk ngak suan di angaok jalan mbak, jalan pasei , jalan krong ribong , bruk gar jalan , urang meda ieu tal  Cục Cảnh sát giao thông tui leih  phone 0995.676.767 song  0692.342.608. Piah  khan brei thau ka kapan haoh, bhap bini meda ieu phone   0916.562.119. Dom  số điện thoại jalan talei pandik  di dom  đơn vị pagam tal karei karei  jeng hu khan di angaok  website di Ủy ban An toàn giao thông pakat negar  

 3  # Lambaok Tổng công ty pajeng ba jalan pasei Sài Gòn brei thau, tui kuhria dalam harei ini (30/1), bruk radaih pui nao suai jang tukvak tabiak oh daok tra. Bhap bani meda takik glaih glar jang dalam bruk nao palei mbang Tết. Hadei di bruk balat baoh di tỉnh Bình Thuận, gah jalan pasei daok kham merat pasiam veik bruk nan. Min, tal harei 29/1, rilo mbang radaih pui jeng gaok ảnh hưởng, ba tal bruk lac rilo  tuai damuai njauk daok cang.

4 # Công ty TNHH Giày Da Mỹ Phong, lac  công ty hu abih phun jien di Đài Loan, hu padang ngak di  tỉnh Trà Vinh meng thun  2005, rilo meng lac ngak tagaok ka urang kamei  pablei tapa dom darak pasa Âu Mỹ. Công ty ni,  hu labaih  28.000 urang tame ngak bruk, min tuk vak urak ni dok labaih  19.000 urang ngak song labaih meteh dom urang ni njauk padeih bruk meng bilan 2 anak tal. Makna lac brei urang ngak padeih bruk kayua công ty pambuak bruk di Mỹ njauk phá sản, ngak ka jiak  70% pandap pablei tabiak negar di  Công ty TNHH Mỹ Phong oh pablei hu.Min, kayua huac dom urang ngak brei padeih bruk cagar veik, ngak srau kadau an ninh trật tự nan ye  angan dom urang ngak brei padeih bruk jeng oh ka hu ba tabiak brei thau.

5 # Biar harei 29/1, rah tabiak sa mbang patuh prong di sa baoh sang di khu phố 7, phường Hố Nai, TP. Biên Hòa, tỉnh Đồng Nai ngak sa urang metai. Jabat chức năng brei thau makna ba tak mbang patuh ini meda kayua urang njauk bala pandar pandap patuh piah ngak pháo. Tui panuac khan meng bhap bani, mbang patuh rah tabiak tuk 14h30  di sang sa-ai N.V.M (30 thun). Tui bhap bani, tukvak jaik di ini sa-ai M. bhian ta-eng drei ngak pháo piah cuh nan ye mda lac makna ba tal mbang patuh hu pambuak pagam tal pháo.  Jabat chức năng daok duah thau ngak brei cambaih laih makna di bruk ini.

Patui di ni dom khau tin dunya

6 # Triều Tiên bahrau ba tabiak dom janih aow bahrau ka urang likei, dalam nan hu janih aow biak karei lac meda mbang hu piah “ pacang eik” tuk lipa. Blah aow bahrau ni hu khan angaok harak  tạp chí di pasak roh duah khan aow  di  Viện pandap mbang song  nhu yếu phẩm yaok harei  Triều Tiên. Tui nan, janih tanyiah bahrau piah ngak tabiak dom blah aow biak karei nan hu ngak meng dom nguyên tố vi lượng meda mbang hu yau protein, axít amin, ia boh kayau, magiê, sắt song canxi.

7 # Sa mbang tấn công mạng pambuak gauk angaok dunya, njauk njaom mbak kayua sa e-mail kanjah jhak, meda ba mai dom khat lahik ka kinh tế meng 85 tỷ tagok tal 193 tỷ đôla Mỹ. Ini lac bruk hu kuhria dahlau kayua dom chuyên gia Anh ba tabiak hadei di sa kadha pasang iek ka khik ramik rủi ro. Tui harak khan brei thau bahrau ba tabiak di Tập đoàn bảo hiểm Loi (Lloyd’s of London) hu jabat di bal ine  Luân Đôn, Anh, sa mbang tấn công mạng meda ngak kan kandah tal rilo bruk angaok dunya, ngak brei khat lahik prong ngan haong bruk pablei lẻ, y tế, công nghiệp saong gilang pariak.

8 # Tui dom jabat  kuhria mboh dahlau bruk langik tasik, sa mbang liar  khang dok nao tapa bhum  Trung Tây negar  Mỹ ngak ka rai duik di yaok pluh triệu urang gaok kan kandah. Urak ni hu takik di abih  3 urang metai song bruk peih radeih nao mai brei padeih di dom ban prong. Labaih  2 ribau mbang par brei klaak dalam harei  (30/1), tui kuhria mboh dahlau, nhiệt độ meda trun tal tanut  âm 37 độ C dalam mesup harei page  (31/1). Bhap bini hu karja kakei biak sangka tuk peih radeih, dok dalam sang iek glang tal pren yava , abih di nyu nan lac urang taha. Dom   bang hu batabiak bruk  khẩn cấp./.