1# Harei ini (24/1), kapul ngak bruk di Quốc hội kayua Chủ tịch Quốc hội Nguyễn Thị Kim Ngân ba akaok hu var ngak bruk haong mBan Thường vụ Tỉnh ủy Hậu Giang. Tapa nan, Chủ tịch Quốc hội Nguyễn Thị Kim Ngân taong yaom glaong bruk ngak hu di Đảng bộ, karja saong bhap bini tỉnh Hậu Giang dalam thun 2018. Chủ tịch Quốc hội mboh lac: Hậu Giang lac tỉnh ngak nong, daok rilo kan kandah, min bruk patagok kinh tế hu 6,93% lac bruk kham merat biak praong. Lingiu di nan, kapul daok hu nao ravang saong alin pandap Tết ka sang sarak karja, urang buh pren ka CM, uraniah gaok kan kandah, sang kathaot saong urang njauk jru mek klik kruac

    2 # Di  TPHCM, Thành ủy, Hội đồng bhap bini, Ủy ban bhap bini, Ủy ban Mặt trận negar  ban raya bahrau peih bruk pataom mbaok uan Xuân Kỷ Hợi 2019 song hu mbaok  di 800 kiều bào gilac mai meng 26 negar bhum  lãnh thổ. Ni lac bruk bhian hu peih ngak yaok thun di tuk Tết meng kan piah thau bruk sangka di Đảng bộ, karja TPHCM ngan song bhap bini kiều bào gilac mai palei negar, bui sambai mbang  Tết. Tapa nan, peih tabiak jalan ngak ka  kiều bào taom gaok, pambuak bruk, dong dak padang patagok ban raya  HCM song abih negar. Dalam negar thun 2018, kiều bào hu payua mai 18,9 tỷ USD, dalam nan ban raya  TP.HCM hu labaih  5 tỷ USD. Abih di nyu nan lac , 70% kiều hối hu pandar tame  bruk  sản xuất, pablei salih.

3 #Melam ini (25/1), Bruk brei thau saong jao giải báo chí pakat negar ka dak padang Đảng angan lac “Búa liềm vàng” mbang ka 3 năm 2018 hu peih tabiak di Nhà hát lớn Hà Nội. Bruk brei thau saong jao giải kayua mBan Tổ chức Trung ương pambuak bruk haong báo Nhân Dân, Tạp chí Cộng sản, Rayo papar binguk Việt Nam, Hội Nhà báo Việt Nam peih tabiak di tuk pahadar 89 thun harei padang Đảng Cộng sản Việt Nam. Hu 1.825 kadha ngan saong dom janih báo in, báo điện tử, truyền hình, phát thanh saong rup thaot tame pakacah Búa liềm vàng. 56 kadha gheih di abih hu ruah tabiak piah jao giải, dalam nan hu 4 giải A, 10 giải B, 15 giải C, 25 giải Khuyến khích saong 2 giải bahrau, lac giải cho tác phẩm gheih abih di tác giả praong thun,, giải ka tác phẩm gheih abih di  tác giả ranaih umo thun.

4 # Urak ni rilo sang bein pala thanh long di tỉnh Bình Thuận dok paik  baoh thanh long jiak Tết. Tuk vak ni, yaom thanh long di Bình Thuận labaih  16.000 đồng yaok kilôgram, oh glong dut song bilan jiak  Tết ndom thun dahlau.  Tui dom thương lái, tuk vak ni  tong abih  vựa prong hu blei ginup pandap  đóng thùng ba nao  Trung Quốc, oh blei gam gam yaok thun. Dahlau di nan, rilo vựa prong hu khik pandap dalam gilang meng labaih meteh bilan dahlau. Yau nan ye, lứa jiak Tết ni  yaom lac sản lượng beir  min oh ka pablei hu 
5 #Yaom lac kapul dit blong Việt Nam njauk padeih takai dalam hatai damen min cổ động viên dalam taneh ia jeng mboh hadah mbaok meta ka bruk dit biak gheih di gru saih HLV Park Hang Seo. Anak sa dalam dom kapul meda mek hu chức vô địch di giải, dom urang dit blong daok ranaih umo di Việt Nam me-in biak gheih, biak mekre, biak naih joi. Kapul caoh mbanh Việt Nam hu sa mbang dit bak tự hào saong miat miat lac menuac jayah dalam hatai urang takre dit blong Việt Nam.

Patui di ni dom khau tin dunya

6 # Akaok mintri  Quốc phòng Nhật Bản Ta-kê-si I-oa-ya (Takeshi Iwaya) bahrau ndom lac kapan haoh  di gah  phòng vệ Nhật Bản, tuk halei jeng peih ngak dom bruk pasang iek lagaih, njauk tui hukum dalam negar song dunya. Panuac ni hu ong  I-oa-ya batabiak piah tah klaak dom  cáo buộc dahlau  di nan  ndom lac kapan haoh di  Nhật Bản “khiêu khích” kapan gaiy mesruh  Hàn Quốc. Ndom nyai song harak mbao harei kabroi  (24/1), Akaok mintri  Quốc phòng Nhật Bản Ta-kê-si I-oa-ya brei thau, dom kapan haoh pasang iek di gah  phòng vệ Nhật Bản oh hu  ý định atau makna halei piah jeng  mối đe dọa ngan song dom kapan gaiy  hải quân Hàn Quốc ala jalan ngak halei .

7 # Sa mbang khuah praong bahrau rah tabiak di pasak pablei salih Westminster di quận Cam, bang California, labik hu rilo urang Việt daok. Gah padam pui quận Cam brei thau, pui khuah tabiak meng 1 labik pablei ao lakhah daok di block 9200 di labik Bishop Place tukvak 16 tuk meteh harei 23-1 (lac 7 tuk meteh mesup 24-1 tui maong Việt Nam). 70 llin padam pui hu ba mai padam. Pui hu pacang padam di tukvak 17 tuk meteh harei nna.

8 # Jiak 350 sang bac  mầm non song pasak iek glang uranaih  di  đặc khu hành chính Hong Kong, Trung Quốc njauk kreik pambah mbang kayua jit cúm bilan liar.Jit cúm ni urak ni dok dalam tuk tabung glong, tuk yaok harei hu rilo mbang njom cúm trak. Dom pasak  y tế song balik iek ruak đa khoa di Hong Kong dok dalam bruk kurang takik  vaccine pacang cúm. Tui pasak iek glang pren yava  Hong Kong, tong abih mbang njom cúm trak hu tagok tal  165 urang, dalam nan 66 urang metai. Dom sang iek ruak công lập di  Hong Kong dok dalam bruk quá tải./.