# Melam blaoh (22/1), Thủ tướng Nguyễn Xuân Phúc tabiak truh Hà Nội, tagok jalan nao hu mabaok dalam nyaom biai Kinh tế Dunya yaok thun di Davos, Thụy Sĩ. Angan ieu di mbang ginum biai thun ini, lac "Toàn cầu hóa 4.0: tabiak jalan dak padang dunya dalam saman Cách mạng công nghiệp mbang ka 4". Tui kuhria, jaik 3.000 urang, dalam nan hu 50 urang dang akaok taneh ia, urang pan akaok rajaei dom taneh ia saong dom kapul nyaom dunya, mai pataom mbaok di nyaom biai. Bruk Thủ tướng Nguyễn Xuân Phúc hu mbaok dalam nyaom biai Kinh tế dunya thun ini meda daong jhul patagok jang talei pambuak bruk di VN saong dom gah pambuak bruk, dom tập đoàn dang akaok di dunya. 

       # Dahlau di tuk tagok jalan nao Davos, Thụy Sĩ, hu mbaok di  Diễn đàn Kinh tế dunya (WEF), Thủ tướng Nguyễn Xuân Phúc hu ieu phone  ka Huấn luyện viên Park Hang-seo song kapul chaoh blong Việt Nam pachreih hatai dom  tuyển thủ di khol drei  khang hatai tame pakacah mbang  tứ kết anak tal. Thủ tướng tadhau yut dom tuyển thủ caga yam tame mbang  tứ kết anak tal  song hatung hatian chreih crai, jum pataom, main ka abih  drei , brei mboh song pambak sa hatai sahaneng Việt Nam yau dalam dom mbang chaoh blong meng bloh. Urang takre dalam taneh ia tuk halei jeng pamaong tal saong pachreih tui Đội tuyển di khol drei.

 # Thun 2018, bruk kinh tế - xã hội di tỉnh Bình Thuận hu salih bharau biak siam saong taong abih gah. Pathau khan di UBND tỉnh brei mboh bruk patagok GRDP dalam thun bloh lac labaih 8% dut saong thun dahlau. Kinh tế di tỉnh khik hu jalan tagok mbiah, jalan ngak kinh tế salih bahrau tui jalan siam, abih di nyu nan lac gah du lịch saong ngak nong. Min jeng daok rilo tavak tavaiy, dalam nan bruk an ninh, chính trị, sron mbon puk palei daok hu maong lac ka oh siam.

# Peih mbaok ka dom bruk ngak piah uan Đảng, uan xuân di ban sit Rạch Giá, tỉnh Kiên Giang, melam kabroi  22/1, di mblang bein  Phú Gia, khu đô thị Phú Cường rah tabiak mbang pakacah Lân Sư meblah cúp Phú Cường peih prong kayua  mban khik ramik inem krung dak rai ilamu kubo song kalan  Nguyễn Trung Trực pambuak bruk song  Tập đoàn Phú Cường peih ngak. Bruk pakacah pachreih hu  34 kapul lân sư mai meng  ban raya HCM song dom tỉnh Bình Dương, Tiền Giang, An Giang, Đồng Tháp, Vĩnh Long, Vũng Tàu song Bình Phước. Dalam melam ni  23/01 rah tabiak  mbang pakacah di  19 kapul song asar kadha pakacah Mai Hoa Thung. Tổ trọng tài mai meng  Tổng hội Lân sư rồng Việt Nam  chấm điểm ka yaok asar kadha pakacah song  mban peih ngak hu palih ruah dom  tiết mục naih gheih piah jao giải.

# Gah chức năng hu khởi tố saong cap kreik urang peih radaih ba tal bala khang di Hải Dương ngak brei 8 urang metai saong 8 urang karei njauk rambus. Bruk nan rah tabiak di tuk biar harei 21/1 angaok jalan Raya 5, labik nao tapa xã Kim Lương, huyện Kim Thành. Radaih ô tô tải peih angaok jalan meng Hà Nội nao Hải Phòng ginuh tame kapul urang jakar xã Kim Lương. Urang peih radaih angan Lương Văn Tâm, 28 thun, khan lac drei pandar ma túy đá dalam 1 adit tapa saong ba tal bala tuk daok teik vah.

Patui di ni dom khau tin dunya:

# Dhur mur saong thak kapan daok me-om bak  Băng-cốc, dalam nan dom asar thur biak sit tagok glong di dom labik dalam ban ine di Thái Lan. Jabat pasang iek Ô nhiễm brei thau, hàm lượng thur racin, ieu lac asar thur hu  đường kính sit jang atau  samu  2,5 micromet tagok meng 51 tagok 93 micrograms/1mét khối không khí dalam 24 tuk tapa, tapa jiak 2 tanut brei adat. Langik oh hu ngin song thu lagu ngka ka chất lượng không khí trun di  5 dalam dom tỉnh ban di  Thái Lan, dalam nan hu Băng-cốc, nan ye karja daok kuhria tal bruk patrun  khí thải meng radeih ôtô.

# Thủ tướng Nhật Bản Xin-dô A-bê (Shinzo Abe) dalam mbang padeih takai di Nga dahlau di tuk tagok jalan nao hu mbaok dalam nyaom biai yaok thun 2019 Diễn đàn Kinh tế dunya Đa-vốt (Davos), Thụy Sỹ harei kabroi 22/1 hu taom gaok Tổng thống Nga Vla-đi-mia Pu-tin (Vladimir Putin). 2 gah pataom tame ginum biai rilo bruk dunya  saong bruk dua taneh ia daok caik hatai sangka, dalam nan hu bruk mbaoh tangin tame sa hiệp ước hòa bình di Nga saong Nhật Bản. Bruk ginum biai di Thủ tướng Nhật Bản Xin-dô A-bê haong Tổng thống Nga Vla-đi-mia Pu-tin rah tabiak dalam tuk dom urang pan akoak Nhật Bản saong Nga daok kham merat duah jalan langyah bruk meriak gauk bhum taneh di dua taneh ia.       

# Harei kabroi  22/1, sa kapan haoh cuh  bom chiến lược Tu-22M3 di Nga nyu laik tuk par trun di  bhum Tây Bắc atah di negar ni ngak ka  2 phi công metai. Tui mintri  Quốc phòng Nga, kapan haoh njauk laik tuk par trun dalam tuk ribuk tuyết di bhum Mu-man-xcơ (Murmansk) di vòng Bắc Cực. Bala nan jeng ngak ka  2 phi công karei njauk rambuac. Tui panuac khan di mintri ni, tuk rah tabiak bala, kapan haoh oh ba tui  vũ khí. Urak ni oh ka hu panuac khan halei ka makna di bala./.