# Tui panuac brei thau meng Mentri Ngoại giao, gilai Âu Lạc Fortune njauk bala di page harei 8/1/2019 di bhum tasik Hong Kong. Di Tukvak rah tabiak bruk ini, angaok gilai hu 25 urang  Việt Nam. Bruk nan nyu ngak ka sa urang metai, 2 urang lahik, 3 urang njauk rambuis daok iek ruak di sang ruak, 19 urang karei oh njauk hagait. Tổng Lãnh sự Việt Nam di Hong Kong saong Macao hu brei urang lambaok nao tal labik njauk bala, sang iek ruak piah duah thau saong tangi rivang dom urang njauk bala.

# Dalam mbang ngak bruk haong tỉnh Đồng Nai ka bruk patagok kinh tế, xã hội song padang ngak palei pala bahrau thun 2018 bier harei kabroi , Phó Thủ tướng Vương Đình Huệ tong yaom glong dom bruk bo tỉnh Đồng Nai ngak hu dalam bruk patagok  kinh tế, xã hội thun 2018. Daok bruk mek jien tame kadung jien karja, yaom lac thun  2018 Đồng Nai oh a mek hu tanut ba tabiak kayua hu jao tanut  biak glong, dalam tuk phun jien buh tame ngak mbang hu takik min Đồng Nai lac  tỉnh dang ka 6 dalam taneh ia ka bruk mek jien tame kadung jien karja, dang ka 5 thu nội địa song lac  tỉnh parabha kadung jien karj amai ka  trung ương.   Phó Thủ tướng lac, yaom lac  taong abih xã dalam tỉnh hu pok brei angan palei pala bahrau min meng bruk di drei, Đồng Nai njauk pasang iek padang ngak palei pala bahrau paglong njauk pambuak song quy hoạch, patagok  đô thị.

# Pambuak pagam tal bala angaok jalan rah tabiak di biar harei kabroi  (8/1) di gah Barak đèo Hải Vân, dalam huyện Phú Lộc, tỉnh Thừa Thiên - Huế ngak ka sa urang metai, tal urak ini, 23 urang njauk bala daok iek ruak di sang ruak Đà Nẵng daok hu siam veik pren yava. Biar harei sup kabroi, Akaok mentri  pajeng ba Nguyễn Văn Thể - Phaok akaok Thường trực Uỷ ban An toàn giao thông Negar gam haong kapul urang ngak bruk hu mai rivang, alin brei jien ka dom urang njauk bala. Di mbang nyaom samar drah haong lambaok Ban an toàn Giao thông ban sit Đà Nẵng saong tỉnh Thừa Thiên Huế, Akaok mentri Nguyễn Văn Thể kakei lac, dom urang peih radaih njauk nao tui jalan labang (hầm) tuk nao tapa  dom jalan mbuan ceik.

# Bahrau ni, dom gah chức năng duah mboh  8 urang kamei dalam jalan talei  metain mbang pah  di ban  Móng Cái, dalam nan jaik abih menuac lac daok di dom tỉnh Tây Nam bộ. Dahlau di nan, dom urang kamei ni hu sa jalan talei bs tal Lạng Sơn, hadei di nan xuất cảnh tapa Quảng Đông (Trung Quốc). Di Quảng Đông, dom urang kamei ni hu  thụ tinh nhân tạo song metain ye njauk  công an Trung Quốc mboh, ba bayar ka  Việt Nam. Công an ban  Móng Cái hu ba  8 urang kamei nan ka sa  kapul pahla  piah dong ba dom urang nan  mai sang .

# Melam kabroi, urang takre caoh mbal dit blaong mboh diak damen tuk dua mbang kapul dit blong Việt Nam dit mbnag dahlau min jeng oh hu điểm anak đội tuyển Iraq di mbang caoh dalam bảng D Asian Cup 2019. Yaom lac lah veik 2-3 di minit puac trận, min ini lac mbang caoh bo dom anek saih di HLV Park Hang-seo me-in biak gheih, biak mekre. Mbang caoh hadei di nan di kapul Việt Nam dalam vòng bảng hu rah tabiak di harei 12/1 saong dit haong kapul biak khang nan lac Iran.

 -Patui di ni dom khau tin dunya:

# Hãng kapan haoh KLM di  Hà Lan harei ni khan lac klaak 159 mbang par  châu Âu, nao tal saong tabiak meng ban ine Am-xtéc-đam (Amsterdam) kayua huac ribuk tuh tame. Tui thaot binguk meng hãng tin Roi-tơ, di mesup ni sa sruh kapan haok di hãng kapan haoh  KLM njuak par trun dalam mbleing mblang kayua hangin khang. Urak ni langik tasik liar rah tabiak di rilo negar châu Âu. Tui kuhira mboh dahlau, sa mbang  ribuk tuyết bahrau  meda tuh tame song tuyết laik tui kuhria hu glong tal dom mét dalam harei  10.1 anak tal

# Tổng thống Donald Trump tui kuhria meda hu mbang taom gaok ka 3 haong dom nghị sỹ chủ chốt di Quốc hội Mỹ pak Nhà Trắng dalam harei ini, kuhria meng tuk Raja-ei Mỹ “kareik pabah mbang” harei 22/12, dalam tukvak dom gah jeng oh ka njauk gauk ka bruk pabak kadung jien karja piah padang daning tapen negar haong Mexico. Dom mbang taom gaok jaik di ini di Tổng thống Trump ngan haong gah Dân chủ meda lac oh ngak hu hagait. Đảng Dân chủ ndom lac oh pachreih tui bruk  caong khin buh tabiak 5,7 tỷ USD ka bruk padang ngak paga pacang jalan tapen negar gah meraong negar Mỹ.

       8 # Harei kabroi  (8/1), Ủy ban châu Âu hu ba Thái Lan tabiak truh angan dom negar njauk  cảnh báo tong chap ikan suan hukum , brei mboh bruk kham merat di negar ni piah langyah dom kurang labaih dalam bruk hành chính song hukum ka bruk tong chap ikan  . Tui nan, “thẻ vàng” hu  EU ba tabiak meng  bilan  4/2015 ngan song  Thái Lan hu  klaak tabiak.Thái Lan lac negar pablei tabiak negar langiu kaya ikan dang ka 3 di dunya song tanut tong chap bo dom kapaul nyaom  môi trường ndom lac hu meng bruk tong chap suan hukum,  lợi dụng urang ngak hu jien bilan tbier lac urang ngak  oh hu adat mai meng dom negar jiak tapen./.