1# Tui Mintri Lao động Thương binh saong Xã hội, urang dalam umo thun ngak bruk min oh hu bruk ngak di ban sit, ban praong dalam thun 2018 trun tal tanut biar di abih dalam 11 thun tapa, tok daok 3,1%. Dalam thun2019, Bộ Lao động Thương binh saong Xã hội daok peih ngak dom jalan piah khik tani tanat saong patagok darak pasar urang ngak, khik bruk oh hu bruk ngak di ban sir van praong daok di tanut ala  4%. 

2 # Mesup harei 10-2, hu labaih  70% dalam tong abih  300 ribau urang ngak di dom labik  khu công nghiệp, khu chế xuất di TPHCM hu mbaok di doanh nghiệp piah ngak bruk harei akaok thun bahrau hadei di tuk padeih  Tết Nguyên đán, Dalam nan di  khu Công nghiệp Tân Tạo, Tân Bình urang ngak mai ngak bruk  veik meng 80-90%, pagap yau Công ty Pouchen di  Khu công nghiệp Tân Tạo hu labaih  67 ribau urang ngak, ye hu tal  90%  mai ngak bruk veik, dok veik lac dom urang hu padeih adat yau nan ye ngak bruk te jang. Dom thun jiak di ni, rilo doanh nghiệp di  TPHCM peih ngak dom sarak iek glang siam jang rai duik di urang ngak yau nan ye urang ngak dak harei dak kak kajap song doanh nghiệp… 

3# Mesup 11/2, di mblang radaih Quảng Ngãi, rilo tuai blei harak radaih di hãng radaih An Lộc Sinh nao jalan Quảng Ngãi- TPHCM biak pandik hatai kayua tal maong peih min oh hu radaih. Dom gah chức năng di tỉnh saong dom urang pan akaok mblang radaih Quảng Ngãi hu nao tal labik piah langyah tui panuac caong di urang nao radaih. Pak di mesup harei nan, hãng radaih An Lộc Sinh hu ba dom radaih mai pajeng dom urang tuai ini tame TP.Hồ Chí Minh. Dom urang nao radaih khaghe ndih njauk nao radaih khghe daok la piah din harei ngak bruk, harei bac da-a, meneing gauk oh nao radaih daok la saong hu hãng radaih sanya bayar veik jien harak.

4 # Bahrau ni, Akaok Viện kiểm sát bhap bini pakat glong di  TP.HCM hu tabiak harak  pabak kháng nghị phúc thẩm di  akaok Viện KSND TP.HCM ngan song  bản án langyah bruk  meriak gauk bayar jien khat lihik  langiu hợp đồng di Công ty CP Ánh Dương Việt Nam (Vinasun) song Công ty TNHH Grab.Tui nan, Grab lac gah pajeng tuai hu jabat  hu  thẩm quyền di karja brei adat tui  quy định di hukum;  Kháng nghị ndom lac: Vinasun ieu  Grab bayar khat lihik lac  oh hu căn cứ pháp luật. kayua yau nan ye oh meda pacap Grab bayar khat lihik ka Vinasun. Bruk hu mbaok di  Grab lac lagaih song jalan patagok di taneh ia drei urak ni, dalam dom thun anak tal song suai lavik. 

5# Kapul khik iek darak pasar ka 1 Nha Trang taong phạt nhà hàng Tháp Bà Làng Chài yaom jien 750.000 đồng. Ini lac nhà hàng tak tuai Trung Quốc haong yaom 250.000 đồng sa jam baoh paya xào. Dalam tuk nan, po nhà hàng Hưng Phát – lac labik kuhria 500.000 đồng sa jam traong ndaiy xào baoh menuk di tuai Malaysia, jeng oh ka duah mboh, nan ye oh ka langyah hu.

Patui di ni dom khau tin dunya

6 # Dalam 2 harei 11 song  12/2, Hải quân Pakixtan hu mbaok dalam mbang tập trận hàng hải rilo negar  AMAN-19 di langiu tasik  Karachi di Pakixtan. Hải quân di  46 negar tame pasram bruk an ninh hàng hải, pacang khủng bố, dong ngak pahla. Bruk tập trận piah patagok song peih ngak dom jalan pacang, pabak dom kỹ năng, bruk khik ramik  jalan tasik pacang dom đe dọa meng dahlau saong bahrau ini.

Harei ni,  mbang tập trận hu tamat song dom bruk ngak yau parang iek ilamu, harei pataom mbang huak di tong abih negar hu mbaok

7#Tui rayo papar binguk Thụy Điển SVT, karja dom palei di taneh ia ini daok kham mera  ngak bruk piah caga pacang bruk kan kandah di langik tasik.

Tui kuhria mboh di Viện Khí tượng học saong Thủy văn Thụy Điển, ia tasik di Sca-no (Skanor) dalam labik Vơ-lin-gơ meda tagok glaong 78 xăng-ti-mét di thun 2100. Karja palei daok kuhria padang ngak jalan ar pacang atah 21 kilômét piah khik caga dom sang glaong rilo tal dahlau di tuk ia ndik. Taong abih dom palei daok jaik kraong ribaong atau jaik tasik di Thụy Điển jeng daok kham ba tabiak jalan pacang caga.   

 8 # Bruk jao  giải Grammy mbang 61 rah tabiak harei kabroi di pasak  Staple di ban di  dom  thiên thần" Los Angeles, Mỹ. Rilo  tượng vàng hu  po.  Kadha doh  rap "This Is America" di  Childish Gambino hu jeng  "kadha doh gheih di thun" di lễ jao  giải. Kadha doh “ Shallow", lagu phim di bộ phim "A Star Is Born", ngak ka  Lady Gaga taduan  tượng vàng song dom  đồng tác giả di kadha doh..Urang kamei lac  bruk prong di  lễ jao  giải Grammy thun ni ngan song rilo urang kamei hu mbaok tame dut song  Grammy thun2018. Grammy thun ni jeng ngak ka  urang maong iek biak njauk hatai ngan song sa danak dak daoh takơ gheih di abih di dom  ngôi sao prong./.