1# Di Hà Nội, Thủ tướng Nguyễn Xuân Phúc bahrau pan akaok nyaom biai di mBan tacei pato salih bharau hành chính di Rajaei, ba tabiak jalan ngak thun 2019. Ndom tabiak bruk lac hu dom dự thảo văn bản quy định njauk bayar nao bayar mai rilo mbang, Thủ tướng tacei lac, nan kayua daok bruk pabak tame nan dom kein laba di dom gah, dom urang jakar, dom labik di drei dalam padang ngak thủ tục saong pandar langyah catang bruk ini. Daok jalan ngak di anak tal dalam salih bahau hành chính, Thủ tướng pandar pataom tame ngak pasiam adat hukum, pasiam dom văn bản oh daok lagaih, kurang labaih, saong brei paglaong chất lượng, kein laba bruk peih ngak adat hukum tui jalan kinh tế darak pasar di xã hội chủ nghĩa; bruk công chức, viên chức, bộ máy... pambuak tal bhap bini saong doanh nghiệp jeng brei ngak ka nyu tantu jang, cambaih laih jang.

2 # Di pasak papar sap pakat negar (labik 58, jalan Quán Sứ, Hà Nội), Rayo sap ndom Việt Nam bahrau peih danak dak taom gaok nghệ thuật pahadar 40 thun bruk mesruh metak khik caga gah brak hu angan “ Jalan atah tapen negar” Dalam danak dak , pablak tame bruk taom gaok ndom biai nao mai song dom  nhân chứng lac urang vak, kỹ thuật viên, nghệ sỹ, nhạc sỹ, urang hu pang veik dom  ariay, kadha doh hu paneh dalam tuk vak ni, hadar veik sajarah hào hùng di taneh ia song thau jang ka dom rik dong di urang jakar, urang vak , biên tập viên, nhạc sỹ di rayo sap ndom VN dalam mbang BRUK mesruh metak di jalan tapen negar. 

3# Di ban sit Kon Tum saong dom bhum jaik taphia nan bahrau hu hajan praong. Ini lac mbang hajan kreh bilan thu ka 3 tok dalam 17 harei kuhria meng Tết Nguyên đán tal urak ini. Mbang hajan meng tukvak labaih 16 tuk biar harei saong dui atah labaih 2 maong. Mbang hajan hu daong patrun pandiak di bilan thu Tây Nguyên.  Dom sang ngak nong lac dom urang bui sambai di abih kayua mbang hajan hu siam ka phun pala saong patrun pandiak di langik tasik.

4 # Jeng dalam harei kabroi, 21/2, kapan cao tốc Côn Đảo Express 36 pajeng labaih  500 urang  meng Cảng Cầu Đá (ban sit Vũng Tàu) nao Côn Đảo. Labaih 15 minite hadei, tuai hu thuyền trưởng brei thau lac kapan khut. Ong Vũ Văn Khương, Giám đốc Công ty cổ phần kapan cao tốc Phú Quốc brei thau, hệ thống brei thau sa dalam 4 jamriak di kapan  nyu khut, nan ye njauk mai veik cang dom  chuyên gia tal Vũng Tàu pasang iek song oh ka thau tuk halei meng hu peih nao. Kapan Côn Đảo Express 36 lac kapan  cao tốc 2 rup prong abih di Việt Nam urak ni  hu  ngak tui tanut châu Âu, atah jiak  47 m, gar labaih 12 m, pajeng hu jiak 600 tuai, ba tame peih meng harei 15/2. Kapan nduac samar di abih 35 hải lý/h (60 km/h) patakik tuk vak meng  Vũng Tàu tal  Côn Đảo dok labaih  3 tuk.

5# Ông Hà Quang Khiêm, Chủ tịch UBND huyện Mdrak, tỉnh Đắk Lắk brei thau, gah chức năng huyện bahrau ngak salah bruk pajeng kayau lậu biak rilo di xã bhum atah bayah Cư San (labik jaik tapen huyện Khánh Vĩnh, tỉnh Khánh Hòa) ba mai trụ sở Công an huyện piah pasang iek, duah thau, cap mek kol palai pajoa glai. Dahlau di nan, meng panuac khan di bhap bini, tapa pasang iek, gah chức năng mboh hu 26 hộp kayau hu kaoh lốc vuông, praong meng 30 tal 50cm, atah meng 3 tal 4m hu pataom pak di jalan nao tame labik glai keo di palei Sông Chò, xã Cư San. Hu thau, abih tih kayau nan lac jaik 14m3, rilo meng lac kayau tạp di nyaom meng V-VII, hu: kayau Xương cá, Bứa, Chò sót....

Patui di ni dom khau tin dunya

6 # Nhà Trắng bahrau tabiak harak brei thau, ngan song sarak ngoại giao bahrau di drei, Mỹ daok jhul pakhang bruk sron mbon salamat di palao  Triều Tiên. Khau tin meng  Nhà Trắng jeng brei thau Tổng thống Đô-nan Trăm (Donald Trump) sinya mek hu sron mbon salamat ka Mỹ, ka palao  Triều Tiên song dunya. Harak brei thau di  Nhà Trắng jeng brei mboh veik dom bruk ngak hu di mbang taom gaok pakat glong  Mỹ-Triều bilan  06/2018 di Singapore, bruk taom gaok camereip di  tổng thống Đô nan Trăm song urang pal akaok  Kim Châng Un. Meng di mbang taom gaok ni, talei rohim di 2 negar  hu tagok glong.

7# Mintri Ngoại giao saong pambuak bruk dunya Campuchia brei thau Akaok mintri ini, ong Prak Sokhonn meda gaok akaok mintri ngoại giao Lào Saleumxay Kommasith dalam harei 21/2 piah njauk gauk ka bruk payua caong Prang brei nyim bản đồ gốc piah langyah bruk metiak gauk jalan tapen negar di dua taneh ia. Thun 2018, Thủ tướng Campuchia Hun Sen saong Thủ tướng Lào Thongloun Sisoulith njauk gauk brei pandar bản đồ kayua urang Prang cih saong dom harak gar pambuak tal piah neh rabha jalan tapen negar di dua taneh ia atah  540 km. Dua gah jeng njauk gauk lac oh brei lin saong menuac nao tal dom labik daok meriak gauk mbiah tal tuk njauk gauk ka jalan tapen negar.

8 # Sa mbang megei boh taneh khang  5,7 độ rích-te bahrau rah tabiak di palao  Hốc-cai-đô (Hokkaido), Nhật Bản. Urak ni oh ka thau urang metai jang yau khat lihik kayua mbang megei boh taneh  . Tui jabat  Khí tượng Nhật Bản, Mbang megei boh taneh ngak megei sa labik prong di gah  Tây Nam Hốc-cai-đô. Mbang megei boh taneh nan di labik dalam 30 ki-lô-mét, song oh hu panuac khan ka riyak khang. Dalam tuk nan, kênh truyền hình NHK hu ba dom thaot binguk brei mboh dom labik lihik  điện. NHK jeng hu panuac lac bruk glut jaleih taneh mbuan si rah tabiak. Dom sang máy hạt nhân pak ni  dok hu pasang iek , min urak ni oh ka mboh  bức xạ bất thường halei./.