1#Dalam mabng tapa ravang negar Lào, melam 24/2, Tổng Bí thư, Chủ tịch nước Nguyễn Phú Trọng hu Tổng Bí thư, Chủ tịch nước Lào Bounnnhang Vorachith peih bruk payak biak praong. Brei panuac pak nan, Tổng Bí thư, Chủ tịch nước Nguyễn Phú Trọng ndom lac, dalam tuk yau urak ini, jang tuk halei karei, 2 Đảng, 2 Karja saong bhap bini 2 taneh ia Việt Nam-Lào njauk patagok khang jang talei jum pataom saong pambuak bruk, daong gauk ba bruk cách mạng di 2 bangsa khang takai yam tagok xã hội chủ nghĩa.  

2 # Beir harei 24/2, di  Trụ sở mintri Ngoại giao, Thủ tướng Rajaei  Nguyễn Xuân Phúc bahrau hu var ngak bruk, pasang iek song tacei pato bruk kuhria caga  peih nyaom biai pakat  glong  Hoa Kỳ - Triều Tiên mbang ka  2 rah tabiak meng harei 27-28/2.  Thủ tướng Rajaei  Nguyễn Xuân Phúc ndom lac, mengg ilamu rpeih ngak siam di abih dom bruk  đối ngoại prong di negar, Mintri  Ngoại giao njauk kak kajap haong bruk tacei ba  di urang pal akaok pakat glong, ieu pataom tong abih dom  đơn vị, urang jakar nhân viên dalam mintri  khik caga luac harei melam, khik ka  thông tin thông suốt, pabak siam di abih  panuac caong di dom gah pambuak tal, kuhria gam dom bruk  tamuh tabiak ka lễ tân, hậu cần, brei thau, pathau khan, brei mboh bruk bui sambai , gap ar tuai, pambak praong rup binguk siam mekre ka taneh ia anek menuac Việt Nam ngan song dunya.

3# Di tuk pahadar 64 thun harei gru jru Việt Nam (27/2/1955 - 27/2/2019), di sang ilamu dam dara, Kapul dam dara ban raya HCM bahrau peih bruk pok meyaom saong jao giải thưởng Phạm Ngọc Thạch mbang ka 6 brei ka 37 gru jru daok ranaih di ngành y TPHCM. Giải thưởng Phạm Ngọc Thạch piah pok meyaom dom gru jru ranaih ngành y TPHCM hu rilo bruk roh duah hu yaom glaong, abih hatung hatian iek glang pren yava bhap bini tui jalan yau Yuan lac "Thầy thuốc như mẹ hiền".

4 # Mintri  Công an bahrau brei thau ka bruk  khởi tố bị can song chap kreih 2 urang dahlau deih ngak akaok mintri Thông tin song  Truyền thông lac ong Nguyễn Bắc Son song Trương Minh Tuấn ka dut  “ngak suan quy định ka bruk khik ramik song pandar phun jien đầu tư công ba tal palai pajoa biak trak". Urak ni gah  Cảnh sát điều tra mintri  Công an (C03) dok pataom tame jhul pakhang bruk pasang iek  , langyah catang dom  bị can song dom urang hu pagam tal tui njauk adat hukum  .

5 #Mintri ngak nong saong patagok palei pala haong UBND tỉnh Bình Thuận peih bruk pakacah gauk padang ngak danao padang ia Sông Lũy di huyện Bắc Bình. Danao padang ia Sông Lũy hu padang ngak di labik daok dalam 2 xã Phan Lâm saong Phan Sơn, huyện Bắc Bình, tỉnh Bình Thuận. Dự án hu yaom phun jien buh tame ngak abih tih lac labaih 1.480 tỷ đồng, tui kuhria hu ngak salah bloh di thun 2020. Tuk nan, meng ia padang hu jaik 100 triệu m3, pabak ia pruh ka labaih 24.000 ha taneh ngak nong di bhum gah ala, pabak ia pandar ka bilai njuk ia Lê Hồng Phong saong lưu lượng 2m3/s, khik jalan ia nduac dalam bilan thu, patrun ia sua  bhum gah ala, pasaim raidiuk ka bhap bini dalam bhum gah ala Sông Lũy, huyện Bắc Bình.

Patui di ni dom khau tin dunya:

6 # Tổng thống Mỹ Đô-nan Trăm (Donald Trump) bahrau ba tabiak dom salih bahrau mek hu dalam mbang ginum biai pablei salih Mỹ-Trung song brei dui atah jang tuk vak tagok jien je  ngan song pandap panda blei meng  Trung Quốc  yaom  200 tỷ đô-la. Min, ông Đô-nan Trăm oh ka brei thau cambaih  tukvak duai atah jang nan tal tuk halei. Nhà Trắng song  Đại sứ quán Trung Quốc di  Oa-sinh-tơn (Washington D.C) jeng oh ka hu panuac halei ka bruk brei thau nan di  Tổng thống Mỹ.

7# Bruk pahadar 30 thun patao Japon A-ki-hi-tô (Akihito) ngak patao hu peih tabiak di Tô-ki-ô harei kabroi (24/2), hu mbaok patao saong diuk di patao. patao A-ki-hi-tô ndom lac, dalam 30 thun di saman Hêy-sêi (Heisei), Japon  taduan hu bruk pachreih tui biak khang di dom urang takre. Ong ndom pabak lac, ini tukvak akaok meti dalam sajarah Japon saman ini, taneh ia Japon oh hu mesruh metak. Tui kuhria, patao A-ki-hi-tô padeih ngak patao di harei 30/4 saong Hoàng Thái tử Na-rư-hi-tô (Naruhito) tagok rai hadei di nan 1 harei, lac harei 1/5.

    8 #  Hu takik di abih  10 urang njauk chap kreih  kayua pagam tal bruk njauk jru mek alak trak di  bang Assam, gah  đông bắc Ấn Độ. Hu abih tih  150 urang metai song labaih   170 urang tame sang iek ruak . Ni lac mnang njau jru mek trak  ka 2  dalam 2 adit tapa./.