1#  Thủ tướng Nguyễn Xuân Phúc bahrau pan akaok nyaom biai di mBan tacei pato salih bharau hành chính di Rajaei, ba tabiak jalan ngak thun 2019. Ndom tabiak bruk lac hu dom dự thảo văn bản quy định njauk bayar nao bayar mai rilo mbang, Thủ tướng tacei lac, nan kayua daok bruk pabak tame nan dom kein laba di dom gah, dom urang jakar, dom labik di drei dalam padang ngak thủ tục saong pandar langyah catang bruk ini. Daok jalan ngak di anak tal dalam salih bahau hành chính, Thủ tướng pandar pataom tame ngak pasiam adat hukum, pasiam dom văn bản oh daok lagaih, kurang labaih, saong brei paglaong chất lượng, kein laba bruk peih ngak adat hukum tui jalan kinh tế darak pasar di xã hội chủ nghĩa; bruk công chức, viên chức, bộ máy... pambuak tal bhap bini saong doanh nghiệp jeng brei ngak ka nyu tantu jang, cambaih laih jang.

2# Hadei di  Sau Tết, rilo bein  thanh long di  tỉnh Bình Thuận truac gom tasak  rilo brei  năng suất glong. Yaom lac,  baoh rilo, min yaom  thanh long pablei pak bein di  tỉnh Bình Thuận dalam meteh bilan tapa khik hu tani tanat meng  16.000-18.000 đồng/kg. Urak ni hu tagok hasit 19.000 đồng/kg. Daok boh siam pablei di pabah mbang negar  Pò Chài ( Lạng Sơn) hu yaom labaih  20.000 đồng/kg. Dom sang bein hu  thanh long paik boh dalam mbang ni biak bui sambai . Tui urang nong pak ni, mbang truac gom ni gam hu năng suất gam hu yaom, ba mai kein laba glong.

3# Di ban sit Kon Tum saong dom bhum jaik taphia nan bahrau hu hajan praong. Ini lac mbang hajan kreh bilan thu ka 3 tok dalam 17 harei kuhria meng Tết Nguyên đán tal urak ini. Mbang hajan meng tukvak labaih 16 tuk biar harei saong dui atah labaih 2 maong. Mbang hajan hu daong patrun pandiak di bilan thu Tây Nguyên.  Dom sang ngak nong lac dom urang bui sambai di abih kayua mbang hajan hu siam ka phun pala saong patrun pandiak di langik tasik.

4 # Huyện Tây Giang, tỉnh Quảng Nam bahrau peih adat akaok thun dhar phor glai . Adat ni ndung bak makna tâm linh hu mik va  Cơ Tu khik ramik meng dom saman ini mai . Di huyện Tây Giang urak ni jeng dok hu dom mblang glai tamo quý hiếm yau: labik glai  Lim hajao di  xã Lăng, quần thể glai  Pơ mu labaih  2.000 phun di  xã Tr’hy saong A xan, dalam nan hu  725 phun hu pok brei angan lac phun  inum krung  Việt Nam. Tong abih mblang glai di  huyện Tây Giang hu labaih  90.000 héc ta; dalam nan glai  tự nhiên meblah labaih  70% mblang taneh , song rilo janih phun kayau quý hiếm.

5# Ông Hà Quang Khiêm, Chủ tịch UBND huyện Mdrak, tỉnh Đắk Lắk brei thau, gah chức năng huyện bahrau ngak salah bruk pajeng kayau lậu biak rilo di xã bhum atah bayah Cư San (labik jaik tapen huyện Khánh Vĩnh, tỉnh Khánh Hòa) ba mai trụ sở Công an huyện piah pasang iek, duah thau, cap mek kol palai pajoa glai. Dahlau di nan, meng panuac khan di bhap bini, tapa pasang iek, gah chức năng mboh hu 26 hộp kayau hu kaoh lốc vuông, praong meng 30 tal 50cm, atah meng 3 tal 4m hu pataom pak di jalan nao tame labik glai keo di palei Sông Chò, xã Cư San. Hu thau, abih tih kayau nan lac jaik 14m3, rilo meng lac kayau tạp....

Patui di ni dom khau tin dunya

6 # Tổng thống Vê-nê-xuê-la Ni-cô-lát Ma-đu-rô (Nicolas Maduro) bahrau tabiak adat kreik pambah mbang  jalan negar song Braxin, dom harei dahlau di tuk dom urang pal akaok  đối lập duah jalan ba viện trợ nhân đạo negar langiu tame Vê-nê-xuê-la. Tui lệnh di Tổng thống Ma-đu-rô, Vê-nê-xuê-la dalam adit ni jeng hu kreik pambah mbang jalan kapan haoh saong pabah lamnge ngan song palao  Cu-ra-cao (Curacao), sa dalam dom labik pandap dong di Mỹ dok hu pataom. Tui  Tổng thống Ma-đu-rô, Mỹ dok ngak tabiak sa bruk khủng hoảng pahla  piah kateik greik ong Ni-cô-lát Ma-đu-rô njauk padeih ngak. Ong Ma-đu-rô hu mong iek bruk ngak pahla di  Mỹ lac sa bruk ba tangin tame gah  quân sự.

7# Mintri Ngoại giao saong pambuak bruk dunya Campuchia brei thau Akaok mintri ini, ong Prak Sokhonn meda gaok akaok mintri ngoại giao Lào Saleumxay Kommasith dalam harei 21/2 piah njauk gauk ka bruk payua caong Prang brei nyim bản đồ gốc piah langyah bruk metiak gauk jalan tapen negar di dua taneh ia. Thun 2018, Thủ tướng Campuchia Hun Sen saong Thủ tướng Lào Thongloun Sisoulith njauk gauk brei pandar bản đồ kayua urang Prang cih saong dom harak gar pambuak tal piah neh rabha jalan tapen negar di dua taneh ia atah  540 km.

8 # Blah báo  Ia harei (The Sun) di Anh bahrau brei thau, dom akaok mintri Anh hu pok panuac song  Thủ tướng Anh Thê-rê-xa Mây (Theresa May) lac, Muk njauk  brei dui atah tukvak Anh tabiak truh Liên minh châu Âu (Brexit) meyah oh mek hu  thỏa thuận song EU, nan oh njauk dang anak bruk  “nổi loạn” di  Quốc hội dalam adit tal. Blah báo ini brei thau, meyah  Thủ tướng oh brei dui atah tukvak Brexit, hu labaih  20 urang  di quốc hội meda pachreih tui jalan ngak di  nghị sĩ Công đảng Y-vét-tơ Cop-pơ (Yvette Cooper). Nghị sĩ Y-vét-tơ Cop-pơ lac sa urang dang akaok bruk pacang veik bruk  Anh tabiak truh  EU bo oh hu  thỏa thuận./.