1# Rajaei bahrau taduan brei ramik pasiam veik 2 nghị định 79/2012/NĐ-CP ka bruk parang me-in nghệ thuật, parang iek thời trang; pakacah urang siam binai saong người mẫu; ba tabiak, pablei salih bản ghi âm, ghi hình daoh tamia, sân khấu saong Nghị định 15/2016/NĐ-CP ka pasiam, pabak dom paka di Nghị định 79/2012/NĐ-CP, dalam nan hu bruk klaak brei adat kadha daoh dahlau di thun 1975. Tui nan, sa paka njauk thau lac Rajaei njauk hatai haong bruk lac klaak quy định brei adat kadha daoh dahlau di thun 1975, tok ba tabiak bruk oh brei daoh dom kadha daoh hu asal oh njauk ka sajarah, ndom jhak menuac urang atau kapul nyaom, nao cagar veik kein laba di bol bhap rahra. 

2# Harei ini (17/2), di labik inem mek Văn Miếu - Quốc Tử Giám, Hà Nội hu rah tabiak Harei Ariya Việt Nam mbang ka XVII ngan saong kadha “Kraong caik angaok barak”. Harei ariya Việt Nam thun 2019 pamoang tal bhum taphia negar, tasik, pulao di taneh ia, pahadar 40 thun bruk mesruh metak khik caga biên giới gah barak (17-2-1979 tal 17-2-2019), dom kadha ariya ka bhum taphia negar, tasik, pulao, ka bruk mesruh metak bhum taphia negar saong urang cuak dom ariya nan hu pok angan. Jeng tapa nan, Hội Nhà văn Việt Nam hu ngak 3 baoh tapuk lac: “Maong tapa 10 abap văn học Việt Nam”, "Tapuk pilih ruah ariya Việt Nam"  "Tapuk pilih ruah dalikan katut Việt Nam bahrau ini". Dom baoh tapuk ini hu in dua-dua sap Việt-Anh piah yaih khan dom jak jeng praong, chân dung dom nhà văn, nhà thơ hu angan di Việt Nam haong dom urang di dunya mai hu mabok dalam Harei Ariya Việt Nam 2019. Harei Ariya Việt Nam mbang ka 17 - Xuân Kỷ Hợi 2019 rah tabiak meng harei 16 tal harei 21/2 di 3 labik lac: Hà Nội, Quảng Ninh saong Bắc Giang.

3# Di palei Ilamu - Du lịch dom bangsa Việt Nam (Đồng Mô, Sơn Tây, Hà Nội), Mintri Ilamu - Thể thao saong Du lịch bahrau peih harei pataom "Sắc xuân di yaok bhum palei taneh ia" 2019. Ini lac bruk ngak yaok thun piah pok meyaom ilamu dom bangsa Việt Nam saong rik daong patagok dom yaom glaong ilamu bangsa, patagok bruk jum pataom bangsa. Saong jeng lac tuk piah pok meyaom, pachreih ba dom urang hu rilo rik daong saong hu angan je dalam bhap bini dom bangsa. Harei pataom "Sắc xuân di yaok bhum palei taneh ia" hu rah tabiak rilo bruk chreih chrai yau ye: padang veik adat Aza koonh di bangsa Tà Ôi; yaih khan adat raok Tết di bangsa Dao; pachreih tui bruk Tết pala phun saong dom kadha me-in meng kan di bhap bini yau nao cà kheo, chat sạp, glum còn atau đánh đu.

4# Bhap bini bangsa Giáy daok di xã biên giới Quang Kim, huyện Bát Xát, tỉnh Lào Cai jeng bahrau peih ngak adat “trun hamu” pakacah li-ua hamu akaok thun bahrau, caong ka hajan siam ngin lagaih, pala hagait hu nan. Di harei pataom trun hamu di urang Giáy daok di Bát Xát thun ini daok hu rilo bruk me-in sambai yau jan gaok haluk, pakacah glum còn, pakacah li-ua, drak dom asar pajaih camereip abih di kaok thun, caong sa thun bahrau pala drak hu kein laba.

5# Di labik du lịch Suối Tiên - TP.HCM bahrau peih Lễ vía “Ngũ hành Thánh Mẫu Nương Nương” pachreih hu rilo tuai damuai atah jaik mai likau ka taneh ia sron mbon, rahra salamat, menuac sia patuah jamo, sang sang haniem phul. Lễ vía “Ngũ hành Thánh Mẫu Nương Nương” ndung bak ilamu meng kan tui hatai sahneng di bhap bini Nam bộ, hu Mintri VHTTDL ba tame angan inem krung ilamu phi vật thể pakat negar. “Ngũ hành Thánh Mẫu Nương Nương” hu thau lac thun urang amaik lambaok ka 5 kadha praong dalam ngũ hành lac: Kim, Mộc, Thủy, Hỏa, Thổ, parabha patuah jamo ka bol bhap rahra, phạt kol hu hatai jhak, sraong daong ka menuac hu hatai siam.

6# Yaok rabau menuac dalam taneh ia pataom gauk mai di tapen danao Biển Đông daok gah dalam labik giải trí Happyland, huyện Bến Lức, tỉnh Long An piah hu mbaok tame melam pataom palao gom bingu, ngan saong hatai caong ka thun bahrau siam mekre, haniem phul saong bak hatai anit ranam gauk. Hu 30.000 gom bingu hu palao di melam pataom. Melam pataom palao gom bingu lac piah pok meyaom dom yaom glaong tinh thần,  tâm linh saong ilamu di urang Việt Nam di dom harei rija, roya, abih di nyu nan lac dalam dom harei akaok thun bahrau. Gom bingu hu palao saong hatai caong ba mai siam mekre, salamat, haniem phul ka abih menuac sia.

7# Cable News Network (CNN- Kênh tin tức) bahrau pilih ruah dom labik hu phong cảnh saong kiến trúc lãng mạn abih di dunya brei ka dom yau likei kumei di harei Valentine. Dalam 13 labik hu CNN taong yaom yau angaok nan, Hội An di Việt Nam jeng hu mbaok nao gam haong dom angan praong di dunya yau ye: Maldives, Tuscany, taneh ia Italia, ban ine Paris di negar Prang atau medil Kyoto di negar Japon. Ban klak Hội An jeng lac labik duy nhất di bhum Đông Nam Á hu mbaok dalam angan ini di CNN. Saong jeng lac lambaok ka 2 di bhum châu Á hu tame dalam angan pilih ruah di CNN.    

8# Pachreih tui harei ariya Việt Nam mbang ka 17, danak dak ariya daoh takơ hu angan ieu lac “Dom baoh gom tual tame ngin” hu papar sap di angaok rilo rayo papar sap di dom sang bac đại học saong dom rayo papar sap công cộng dalam taneh ia Mỹ. Dư án nan kayua danak dak Melodically Challenged di sang bac đại học công lập Georgia State University (tiểu bang Atlanta, Mỹ) ngak haong nhà thơ Nguyễn Phan Quế Mai. Tui nan, danak dak ini hu 2 binah, yaok binah atah 1 tuk, hu papar danak dak camereip di harei 11/2, yaih khan rilo urang cuak riya hu angan je di VN./.