# Mbang nyaom 32 di Ủy ban Thường vụ Quốc hội mbang XIV peih tabiak di tuk mesup ini. Mbang nyaom rah tabiak meng ini tal harei 11/3. Asal kadha praong lac Ủy ban Thường vụ Quốc hội brei panuac ka 5 dự án hukum lac: Hukum pasiam, pabak dom paka di Hukum Kiểm toán Karja; Hukumt Dân quân tự vệ (pasiam veik); Hukum Kiến trúc; Hukum Gilang tapuk; Hukum pato pakai (pasiam veik). UBTVQH jeng meda ginum biai ka dự thảo Sarak di Quốc hội ka bruk langyah jien tavak je, jien phạt, jien phạt suai nộp di urang kak je njauk phá sản, giải thể, oh daok ngak mbang, sản xuất saong oh daok hu jien nộp kadung jien karja.

# Tui Cục Chế biến saong patagok darak pasar kaya nong, Mentri Ngak nong saong Patagok palei pala, yaom jien mek tame meng bruk pablei kaya ikan dalam ia tabiak negar langiu di bilan 2 tui kuhria dahlau hu 372 trieu dola My, patagok jien mek tame meng bruk pablei kaya dalam ia tabiak negar langiu 2 bilan akaok thun ini sumu 1,11 tỷ đôla, tagok 4,4% dut saong tukvak ini thun dahlau. Nhật Bản, Hoa Kỳ, Trung Quốc saong Hàn Quốc lac 4 negar dang akaok blei kaya ikan dalam ia di Viet Nam dalam bilan 1.

           
     # Tal tukvak ini dalam negar hu tỉnh tabiak panuac brei thau ka jit tả pabui châu Phi. Dalam nan hu rilo tỉnh bahrau hu ruak, yau Hòa Bình, Điện Biên, Nam Định, Ninh Bình...Jit tả pabui châu Phi njom mbak biak samar, oh hu vắc xin pacang ruak. Kayua yau nan ye jit ruak meda hu dom kan kandah praong tal bruk ngak mbang kinh tế, bhap bini njauk ngak khang jang dom jalan pacang caga saong pasang iek samar jit ruak di dom tapon pabui. Min jit ruak ini oh njom mbak tapa menuac, nan ye bhap bini jhui huac, jhui klaak mbang dompandap ngak meng ralow pabui siam, oh njauk jit ruak saong hu ngak siam mekre, haci hacih

  # Dalam dom danak dak di Harei pataom cà phê Buôn Ma Thuột mbang 7 thun 2019, Hiệp hội Cà phê Buôn Ma Thuột hu peih bruk jao brei giải pakacah caphe đặc sản Việt Nam thun 2019. Hu 31 đơn vị ngan saong 42 mẩu caphe hu pala di dom bhum taneh caphe dalam negar hu mbaok tame. Tapa dua mbang  pakacah vòng loại saong chung kết, Ban tổ chức hu taduan 25 mẫu caphe hu tanut chuan caphe dac san; dalam nan, 7 mẫu caphe hu chất lượng siam glaong di abih hu UB bhap bini tỉnh Dak Lak alin brei bằng khen sa9ong cúp ameh.

# Angaok kraong Vàm Cỏ đông, labik nduac tapa xã Phước Vinh, huyện Châu Thành, tỉnh Tây Ninh daok hu njam baok biak rilo, ngak brei ghe gilai di bhap bini oh nao mai hu labik kraong nan, ngak kan kandah tal bruk ngak mbang ngak huak di mikva. Anak bruk nan, UBND tỉnh Tây Ninh hu mbaoh tangin tame harak pambuak bruk haong Công ty TNHH Huỳnh Vương peih bruk sraong mek njam baok angaok kraong Vàm Cỏ Đông, labik nduac tapa tỉnh Tây Ninh saong tui kuhria, bruk sraong mek nan hu ngak salah dalam adit ini

Patui di ni dom khau tin dunya

  # Rajakar  Ê-ti-ô-pi-a tal harei ini jeng daok kham merat duah sruh haok laik trun harei kanroi di negar ini tuk daok par meng ban A-đít A-bê-ba (Addis Abebas) nao Nai-rô-bi (Nairobi, Kê-ni-a). Kapla haok ini pajeng 149 urang saong 8 urang phi hành đoàn. Kapal haok nan nyu sa janih haong  sruh kapal haoh di Hãng  Lion Air di In-đô-nê-xi-a njauk apui khuah angaok tasik di bilan 10 thun 2018, ngak brei 189 urang metai.

  # Harei ini lac bak 8 thun harei rah tabiak 2 bala haong gauk lac: megei baoh taneh saong sóng thần di Nhật Bản (11/03/2011). Mbang megei baoh taneh nan nyu ngak tayah sa bhum praong di Đông Bắc  Nhật Bản, ngak ka jaik 16 ribau menuac metai, saong daok ba tal bruk rò rỉ phóng xạ biak trak di sang mac điện hạt nhân Phư-cư-si-ma (Fukushima).

# Vê-nê-zuê-la bri padeih dom bruk pablei salih, jeng yau kareih pabah mbang  dom sang bac dalm harei 11/3 kayua oh hu điện.  Sang mac thủy điện Gu-ri (Guri) praong abih di Vê-nê-zuê-la pak bang Bô-li-va (Bolivar) njauk urang ngak khut mạng di harei 7/3 ngak lahik điện jaik abih 23 bang di taneh ia ini. Gah chức năng Vê-nê-zuê-la daok kham merat piah pasiam veik hệ thống điện negar. Urak ini, menieng di ban Ca-ra-cát hu điện paje, min rilo palei daok veik oh ka hu điện./.