#  Page ini 13-3, di Hà Nội rah tabiak van ndom biai nao mai haong sinh viên ka bruk likei kumei samu gauk saong siam mekre ka urang kamei saong uranaih. Danak dak kayua Trung ương Kapul urang kamei Việt Nam pambuak haong Trung ương Đoàn dam dara CS Hồ Chí Minh saong Jabat Liên hợp quốc ka bruk likei kamei samu gauk saong jao brei quyền ka urang kamei (UN Women) peih ngak. Hu mbaok dalam danak dak hu labaih 500 sinh viên di dom sang bac đại học di bal ine Hà Nội. Danak dak ndom biai nao mai pamaong tal bruk pathau khan, klah rabha thông tin saong paglaong akaok saneng, jalan ngak ka cho sinh viên; palagaih ka sinh viên rik daong panuac, ndom ka jalan saneng, sáng kiến di drei ka bruk likei kamei samu gauk.

# Hu veik 8 danak dak daong phun jien oh bayar gilac pakat cơ sở di Rajaei Nhật Bản birau hu mboh tangin pambuak bruk saong dom palei di Viet Nam. Abih tih phun jien daong ka 8 danak dak ini lac jaik 650.000 USD, sumu 73 trieu yên Nhật. 8 danak dak nan hu daong ka dom bhum palei bhum ceik yau ye: Danak dak ba ia hacih piah pandar ka xã Thanh Hối, huyện Tân Lạc, tỉnh Hòa Bình; Danak dak pasiam veik sang bac nội trú Lả Giôn, xã Mường Giôn, huyện Quỳnh Nhai, tỉnh Sơn La.

# Melam kabroi (12/3), di bal Kon Tum, tỉnh Kon Tum rah tabiak danak dak ndom biai nao mai haong kreih camin hadah Cụm pakacah dom tỉnh Tây Nguyên saong Duyên hải miền Trung. Danak dak ndom biai nao mai haong kreih camin hadah khan brei thau ka 20 kapul nyaom, manuac urang hadah krah dalam rilo bruk. Tukvak ini, 9 kapul nyaom saong 11 menuac urang hadah krah hu pok brei harak meyaom.

# Dalam harei kabroi, dom xã N’Thol Hạ, huyện Đức Trọng saong Gia Lâm, huyện Lâm Hà, tỉnh Lâm Đồng brei pambuak bruk am cuh klak yaok pluh drei pabui metai srong tagok meng dom craoh, patagok pabui metai hu am cuh klak blaoh kayua mikva klak tabiak jaik labik daok di drei tagok tal yaok rituh drei. Urak ini, bruk tui iek jit ruak di taphon pabui saong jak ba bhap bini juai klaak pabui metai tabiak daok kham merat peih ngak.

# Mblang kapal haok Tân Sơn Nhất bal raya HCM dang puac bảng chất lượng dịch vụ mblang kapal haok dalam negar. Ini lac bruk hu Cục Hàng không brei thau tui bruk pataom iek veik 25 ribau phiếu ngan haong 25 tiêu chí, taong yaom ka bruk njauk hatai di tuai damuai ngan haong 7 khu vực dalam mblang kapal haok. Di taong abih dom tiêu chí, tuai damuai thei jeng taong yaom chất lượng dịch vụ di mblang kapal haok Cát Bi di Hải Phòng glaong abih, patui nan lac Cam Ranh di Khánh Hòa. Ndom ka makna mblang kapal haok Tân Sơn Nhất mek hu điểm thấp, Cục Hàng không brei thau kayua mblang kapal haok bhian laik tame bruk  quá tải nan ye dom dịch vụ kan di pabak hu hatai caong khin di tuai damuai.  

Patui di ni dom khau tin dunya

  # Biar harei kabroi 12/3, Phó Thủ tướng Mentri Ngoại giao Phạm Bình Minh hu ndem meyai tapa phone saong Mentri Ngoại giao Malaysia Saifuddin Abdullah. Dua gah hu ndem biai dom bruk di dua taneh ia. Ndem tal bruk urang Viet Nam Đoàn Thị Hương njauk cáo buộc pametai urang Triêu Tiên di bilan 2/2017 di Malaysia, Phó Thủ tướng, Bộ trưởng Phạm Bình Minh ndom lac urang pan kaok pakat glaong saong dom menuac sia di Viet Nam biak sangka bruk langyah jeng yau tamat bruk ini saong caong khin gah Malaysia brei langyah ka sumu công bằng, brei palao Đoàn Thị Hương.

      # Mentri Ngoại giao Mỹ brei thau, dalam adit ini, Mỹ meda brei taong abih urang jakar ngoại giao Mỹ daok veik di Vê-nê-zuê-la tabiak truh negar Nam Mỹ ini. Bruk ini hu Mentri Ngoại giao Mỹ brei thau cambaih, dreh yau quyết định harei 24/1 meng bloh, quyết định mbang ini di Mỹ brei mboh, dom hagait daok rah tabiak di  Vê-nê-zuê-la dak harei dak jak nao. 

        # Abih tih 106 mbiak ameh trak jaik 12 kg njauk chap mek hadei di tuk duah mboh dalam jaman vệ sinh di kapal haok Boeing 777 di hãng kapal haok Biman Airlines di Bangladesh page harei 11/3. Kapal haok birau par tagok meng Dubai, Dom Tiểu vương quốc Arab Thống nhất (UAE) nao mblang kapal haok dunya Hazrat Shahjalal pak Dhaka, Bangladesh. Dom mbaik ameh nan hu papaok meng mbang keo, pagam khang tame likuh kareih pasang dalam jaman di kapal haok. Jabat chức năng daok duah thau ka bruk ini kayua meng halei mai, thei ngak./.