# Mintri Pato Megru bahrau tabiak dự thảo jalan pakacah THPT pakat negar 2019 piah mek panuac di menuac sia. Dự thảo ini hu rilo labik karei jang dut saong dom mbang pakacah THPT pakat negar dom thun dahlau, dalam nan Mintri meda jao ka dom sang bac đại học dang tabiak chấm thi dom bài trắc nghiệm. Dom salih karei dalam mbang pakacah thun ini rilo meng pambuak tal bruk kỹ thuật saong pambuak tal dom urang jakar, gru pato hu mbaok tame mbang pakacah ini. Daok gah anek saih ye oh salih karei rilo. Tok hu sa salih karei min tui jalan mbuan lagaih ka anek saih trung học phổ thông nan lac thun ini đề thi hu asal daok dalam danak dak trung học phổ thông, rilo meng lac tal bac 12.

# Harei ni lac harei  lễ Tình nhân 14/2 (Valentine), darak pasar pandap alin brei di ban raya  HCM daok chreih chrai jang tuk halei karei. Thun ni tuai damuai sangka tal dom  janih pandap cam-laik, karei jang dom pandap yaok harei.  Mbang tui  anek sak Pabui, rilo urang ruah pablei  pandap alin lac dom drei  pabui bingu  hu mbeik thaik mekre meta gam song sruh radeih bingu atau yot bingu gheih mekre ... Sa dalam dom pandap alin dui pachreih dam dara dalam tuk jiak di ni lac dom “pok bingu mbang hu”. Pandap piah ngak jeng dom pok bingu ni, lac dom janih boh kayau yau ye: dâu tây, cherry atau dom  mbaik kẹo socola… Yaom kaom di dom pok bingu mbang hu ni meng  350 ribau đồng tagok

# Harei ini tui saka ia bulan lac harei vía Thần tài. Yaom meh dalam taneh ia tagok khang gah pablei salih, min yaom pablei saong yaom blei tame glaong biar jang gauk biak rilo. Mesup ini,, Công ty vàng bạc đá quý Sài Gòn brei thau yaom meh SJC lac 36 triệu750 ribau sa mbaik (blei tame) saong 37 triệu 070 rabau đồng sa mbaik (pablei tabiak) . Urang blei bhian blei dom janih meh sit sot atau dom pandap piah alin hu makna patuah jamo ka thun bharau thun sak pabui hu siam lagaih.

# Dom harei akaok thun bahrau , rilo urang pala tabau di tỉnh Tây Ninh oh bui sambai kayua khat lihik meng tabau yaom biak beir, jien buh ngak glong, yaom pah urang ngak jeng glong jang dut song yaok thun. Sang mac saradang Biên Hòa urak ni tok blei yaom 700.000 đồng/tấn, kayua chất lượng tabau oh siam ngka ka rilo boh sang urang nong pala tabau khat trak. Phun tabau dom thun dahlau ba mai kein laba glong ka urang nong min dom thun jiak di ni, urang pala tabau gam gaok kan kandah, yaom kinh tếbiar beir di abih dut song dom janih phun pala karei karei. Kayua yau nan ye urang nong  Tây Ninh dok duah jalan pala phun karei ba mai kein laba kinh tế glong jang.

 # Pambuak tal bruk kumei sinh viên Cao Mỹ Duyên ba menuk nao pablei bloh njauk urang pametai di Điện Biên biar harei 30 Tết Kỷ Hợi 2019, Công an tỉnh Điện Biên hu tabiak bruk khởi tố vụ án, khởi tố bị can ngan saong Vương Văn Hùng ka 2 tội Pametai menuac saong blah drap ar. Urak ini gah cảnh sát điều tra Công an tỉnh Điện Biên jeng daok duah thau, ngak brei cambaih laih bruk nan saong cap mek dom urang pambuak tal piah kaoh tui adat hukum.

          -Patui di ni dom khau tin dunya

# Takik di abih 13 urang metai  song yaok pluh urang karei njauk rambua hadei di tuk sa sruh radeih buýt pajeng labaih  50 urang ngak meng ban ine mai veik ban  Gốt-x-ti-va (Gostivar) di beir harei 13/2. Dom urang dok duik brei thau sruh radeih mất lái, laik trun sa ceik sit dalam  10m song pakhuak mbaok  . Thủ tướng Zô-ran Za-ép (Zoran Zaev) brei thau caik 2 harei  quốc tang hadar tal dom urang gaok bala trak nan .

# Hadei thỏa thuận di Quốc hội tok brei 1 tỉ 300 triệu USD ka bruk padang ngak daning biên giới Mỹ - Mexico, Tổng thống Trump tabiak panuac lac duah hupok jien daong 23 tỷ USD piah ngak bruk ini. Tổng thống Mỹ ndom haong dom phóng viên di Nhà Trắng lac karja di ong meda taduan hu jaik 23 tỷ USD ka an ninh biên giới, ginup piah padang daning saong peih ngak dom bruk karei piah pacang cakak bruk nduac tame Mỹ suan adat hukum

 # Urang jakar  Ma-rốc harei kabroi  chap mek hu  jaik 2 tấn cần sa di ban  Tê-tô-ần (Tetouan), gah brak negar ni.Di tuk chap mek, rilo cần sa hu tame kadung song pajeng angaok sa sruh radeih tải hu biển số ja .Sabrukg pasang iek peih prong  hu peih ngak chip. Dalam 10 thun tapa Ma-rốc kham merat pacang cakak urang pala  cần sa. Min, ni jeng lac  bhum taneh  cần sa “prong abih di dunya”, tui pathau khan di  Liên Hợp Quốc thun 2016./.