# Pataom iek veik bruk di kapul duh ka Nyom biai pakat glaong Triều Tiên-Hoa Kỳ, Thủ tướng Nguyễn Xuân Phúc hu harak pok meyaom urang jakar, menuac ngak saong kapul urang pan akaok Rayo sap ndom VN haong dom jabat truyền thông, bộ ngành. Dalam thư, Thủ tướng Nguyễn Xuân Phúc vak lac: “Yaom lac tukvak kuhria caga ka nyaom biai pakat glaong Triều Tiên - Hoa Kỳ biak katut, tok dalam labaih 10 harei, min meng bruk abih drei ka bruk ngak kayua mbaok meta di taneh ia, kol drei ngak hu biak siam bruk kuhria caga ka nyaom biai pakat glaong Triều Tiên - Hoa Kỳ saong mbang ravang di Chủ tịch Triều Tiên Kim Jong Un, taduan raok Tổng thống Hoa Kỳ Donald Trump ravang Việt Nam. Urang jakar, menuac ngak saong dom urang pan akaok  rayo sap ndom VN kham merat ngak siam bruk brei thau drah samar tal menuac sia daok dalam saong langiu taneh ia.”

# Harei ini 14/3 di Hà Nội, Mentri Ngak nong saong Patagok palei pala ginum saong dom tỉnh, ban, meng Nghệ An tabiak piah pacang patrun jit ruak tả pabui Châu Phi pambak praong. Mbiah tal ini, jit tả pabui Châu Phi pambak tal 17 tỉnh, ban dalam taneh ia. Tui jabat gah thú y, dalam 2 harei tapa, jit ruak tả pabui Chau Phi mboh ladam trun hasit. Dom palei daok kham merat brei ngak tui jalan tacei ba di Thủ tướng Rajaei; tacei di gah di Mentri Ngak nong saong Patagok palei pala gam saong dom baoh sang urang raong glang brei peih ngak catang dom jalan pacang caga jit ruak pambak praong.

# Mintri ngak nong saong patagok palei pala brei thau, meda pambuak bruk haong Bộ Khoa học saong Công nghệ taduan mek panuac rik daong piah ngak pasiam bộ tiêu chuẩn ia mesin tui jalan siam di abih. Mintri ngak nong saong patagok palei pala daok kuhri kuhria ka nyu tantu, peih bruk ndom biai nao mai bloh ka meng patabiak. Mintri jeng caong lac, bruk bộ tiêu chuẩn ia masin hu patabiak meda jhul patagok bruk sản xuất dalam taneh ia saong khik caga kein laba di dom gah pambuak tal.  Dahlau di nan, dự thảo tiêu chuẩn ka jalan ngak ia mesin hu Bộ Khoa học saong Công nghệ brei padeih veik. Dự thảo ini gaok phản ứng khang kayua nyu meda pametai ia mesin meng kan, oh neh rabha ia mesin meng kan haong ia mesin công nghiệp.

# Harei 13/3, Jabat iek ruak đa khoa Galant, số 119 Trần Bình Trọng, quận 5, TPHCM hu peih bruk iek ruak kháng virus HIV (ARV) hu bayar tui BHYT. Ini lac cơ sở y tế tư nhân camereip di Viet Nam hu brei ngak dich vu ini. Dahlau diah, urang ruak HIV hu taduan jru iek ruak oh abih jien meng jien daong dunya. Yau nan min, phun jien nan rilo thun gam njuak urang cakak trun  ba tal bruk daong iek  ruak ka urang ruak HIV gaok rilo kan kandah. Meng 2019, kadung jien BHYT hu bayra jien jru ARV, daong urang ruak H hu iek ruak gam tal luac rai. Pak ban raya HCM, gam saong 5 cơ sở y te karja, jabat iek ruak đa khoa Galant lac cơ sở y tế  tư nhân akaok  meti brei iek ruak ARV hu bayar tui BHYT.

# Sang iek ruak Lê Lợi, ban sit Vũng Tàu, tỉnh Bà Rịa– Vũng Tàu bahrau taduan raok 3 uraniah ruak umo meng 9 tal 12 bilan daok di ban sit Vũng Tàu njom vi rút sởi, tui nan urang ruak sởi tame sang iek ruak meng akaok thun 2019 tal ini di ban sit Vũng Tàu tagok labaih 10 mbang. Taong abih 3 uraniah ruak bahrau tame sang iek ruak nan, jeng mboh pandiak glaong, tagok mban đỏ, patuk rilo saong brah bhong di meta. Hadei di tuk iek ruak, dom uraniah nan mboh takik pandiak min daok patuk rilo saong mboh viêm phổi. Hu thau, 3 uranaih nan oh ka klauk jru vắc xin sởi tui panuac kakei di Bộ Y tế. Bác sỹ Nguyễn Thanh Vân, Khoa Nhi, Bệnh viện Lê Lợi, TP Vũng Tàu brei thau:

 “3 uraniah ruak ini tame sang iek ruak bahrau hu 3 harei, nyu pandiak glaong, tapa iek ruak, nyu takik pandiak min nyu daok tapa patuk. Meda lac ruak iek hu min suai hasit. Taong abih 3 uraniah ini oh ka hu klauk vacxin sởi. Kuhria meng akaok thun 2019 tal urak ini, sang iek ruak hu taduan labaih 10 uraniah ruak  sởi, dalam nan rilo meng oh ka hu klauk vắc xin”.

   Patui di ni dom khau tin dunya:

# Takik di abih 10 uranaih daok tavak veik dalam mbang glut jaleih sang glaong 3 tal rah tabiak di harei 13/3 di thủ đô Lagos di Nigeria. Di tal 3 sang ini hu sa sang bac tieu học. Urak ini, oh ka thau hu urang halei metai ha-oh. Tui rilo jaln khaw tin karei karei, hu labaih 100 anek saih daok bac di sang bac ini. Dom urang daok jaik labik ini brtei thau lac hu 7 uranaih daong ba tabiak truh. Bala kayua glut jaleih sang chung cu  di Nigeria oh lac takik tuk dom quy định padang ngak bhian oh njauk tui jaln di nyu.

# Thượng nghị sĩ Mỹ Ted Cruz brei thau, Ủy ban Thương mại Thượng viện Mỹ meda peih bruk duah thau ngan saong 2 bruk laik kapal haoh Boeing 737 MAX rah tabiak dalam 5 bilan tapa. Tapa nan piah duah tabiak makna saong khik ka gah hàng không di Mỹ daok lac salamat abih di dunya.

# Tui Yonhap, harei 13/3, Quốc hội Hàn Quốc brei tapa 8 dự luật ndem tal bruk nerak kayua dhun mun klik. Dalam nan, hu Dự luật ka bruk sự cố, bala saong khik caga salamat pasiam veik, quy định cambaic laic ka bruk khut khat trak kayua dhur mun. Hukum hu khan tapa nan lac cơ pháp lý piah rajaei buh brei phun jien di karja piah peih ngak dom jalan pacang dhur mun klik. Langiu di nan, daok hu Dự luat prein yawa di sang bac pasiam veik, quy định ka bruk brei pagam thiết bị duk iek nồng độ dhur mun klik saong pandap hlang khong khi dalm di\uk bilik bac di dom pakat bac saong Dự luat khik ike chất lượng khong khi dalm sang pasiam veik hu asa kadha breio pagam pandap duk iek chat luong khong khi di dom ga radaih diện ngầm tal harei 31/3/2021./.