# Harei ini (7/3), kapul urang lambaok pakat glaong Quốc hội negar Cộng hòa Dân chủ bhap bani Lào kayua ong Pany Yathotou - Ủy viên Bộ Chính trị, Akaok  Quốc hội Lào ba akaok daok hu van ngak bruk haong tỉnh Lâm Đồng ka bruk agama saong bruk du lịch. dahlau di nan, ong Pany Yathotou hu mbang nao rivang iek bruk pala bingu di Công ty TNHH Dalat Hasfarm saong bruk pala njam tui jalan thủy canh duh ka bruk du lịch canh nông di Công ty TNHH Đà Lạt njaum thủy canh (Đà Lạt, Lâm Đồng). Meng dom hagait mong mboh hu, akaok Quốc hội Lào ndom lac dom puk palei di Lào njauk taom gaok saong bac megru ilamu kỹ thuật ngak nong di Lâm Đồng piah jhul bruk ngak nong di Lào dak harei dak cakrok.  

# Harei ini (7/3), Tòa án huyện Tuy Phong, tỉnh Bình Thuận ba tabiak kaoh tui hukum mbang sơ thẩm 15 urang gac dalam bruk ngak brei srau kadau  di ban sit Phan Rí Cửa harei 10 saong harei 11/6/2018. Lambaok Viện Kiểm sát tỉnh Bình Thuận brei thau, dalam 15 urang njauk truy tố, hu 2 urang urak ini daok njauk guk di trại giam Sông Cái, 1 urang daok njauk mek kreik saong 12 urang daok hu daok di sang. Dom urang nan lac menuac dalam palei, tok hu 1 urang lac menuac di tỉnh Đồng Nai. Taong abih dom urang nan jeng njauk truy tố ka dus ngak srau kadau puk palei.

# Sở Ngoại vụ tỉnh Cà Mau bahrau tabiak văn bản payua ka Đại Sứ quán Việt Nam di Malaysia saong Cục Lãnh sự - Bộ Ngoại giao likau xác minh bruk 6 urang taong ikan njauk gah chức năng Malaysia cap khik tuk daok taong mek ikan angaok tasik meng harei 25-8-2018 mbiah tal ini. Angan 6 urang taong ikan njauk cap mek nan lac: Phạm Minh Vương (umo 35 thun, anek di amek Liễu); Hà Văn Kệ (umo 52 thun, pasang amuk Vui); Trần Văn Thống (umo 43 thun); Nguyễn Quốc Cường (umo 26 thun); Nguyễn Chí Hiếu (umo 28 thun) jeng daok pak bal sit Sông Đốc, huyện Trần Văn Thời saong Trương Hoàng Ân (umo 28 thun, daok di xã Vân Khánh Tây, huyện An Minh, Kiên Giang)

# Harei page (8/3), bruk "Dom urang ruak akaok meti iek ruak HIV/AIDS meng jru ARV di kadung jien bảo hiểm y tế” hu peih tabiak ngak dalam negar.. ARV lac jru pacang bruk patagok di virus HIV dalam rup urang ruak. Dahlau di nn, jru ini hu kapul dunya daong, meng nan urang njom HIV di Việt Nam hu brei saoh. Min meng thun 2017, bruk daong ini oh daok, nan ye bảo hiểm y tế lac labik dang tabiak bayar salih ka bruk dunya daong.

# Sở Du lịch TPHCM pambuak bruk haong Kapul urang kamei Việt Nam bahrau peih ngak danak dak Truyền cảm hứng ka ao atah, bruk ngak ini daok dalam  dom bruk ngak di harei pataom ao atah bal raya HCM thun 2019. Di danak dak, urang mong iek hu nao cagar veik  sajarah, mong iek veik bruk cakrok patagok di ao atah tapa dom Saman, patabiak meng ao atah tứ thân di abap 18 mbiah tal dom blah ao atah bahrau ini, ao atah cih vak, ao atah meng jih dalah ndum bak suan yava di rai diuk harei ini. Urang mong iek hu tui pang mbang ginum ndom ka jalan thời trang ao atah saong hu taom gaok, ndom biai nao mai haong dom đại sứ ao atah.

        # Ong Phan Ngọc Thọ, urang pan akaok UBND tỉnh Thừa Thiên Huế hu payua harak pandar oh mek jien harak tame iek dom inem krung di Huế ngan saong dom urang tuai kumei daok dalam saong lingiu negar cuk khan ao meng kan di Việt Nam. Bruk ini hu peih tabiak ngak meng harei ini tal harei 9/3, di tuk salam uan harei Dunya urang kumei.

Patui di ni dom khau tin dunya:

 # Liên minh châu Âu  tah klak sa đề xuất di Ủy ban châu Âu , ba  Arập Xê-út haong dom taneh aia saong bhum taneh karei tame angan juk dom taneh aia rao jien saong daong ba khủng bố. Bruk tah klaak ini hu ba tabiak khan brei thau di sa nyaom biai pak Brúc-xen, Bỉ di harei ini (7/3).

#Quốc hội Mỹ harei 5-3 hu peih sa mbang điều trần đặc biệt, saong tuai da-a lac Ethan Lindenberger (18 thun), urang bahrau hu klauk vaccine mbang akaok meti dalam rai di drei di bilan 12-2018. Di mbang điều trần anak Ủy ban Y tế Thượng viện Mỹ ka jit ruak njom mbak, Lindenberger ndom tal kadha praong saong jeng lac cuang kandah praong urak ini, lac njauk pacang veik dom panuac ndom oh njauk angaok dom blah mạng xã hội ngak suh sah dom urang ngak amaik ame, saong daok brei thau jalan duah dom bruk, dom panuac khan njauk, saong pathau khan ka bruk nguy hiểm di ruak kik. Dom klah rabha nan di Lindenberger taduan hu bruk pachreih tui di rilo nghị sĩ Mỹ. 

# Kapul Gilang tapuk Thái Lan pambuak bruk haong Sở Giao dịch chứng khoán Thái Lan  ba tabiak sa dự án pacang khik môi trường, pachreih dom  sáng kiến hijao piah patrun khí thải carbon ngak jeng hiệu ứng sang camin. Tui nan, labaih 600 gilang tapuk di Thái Lan meda hu mbaok tame dự án jhul patagok dom thư viện số, tapuk điện tử, patagok dom bhian randap SIAM KA môi trường yau patagok bruk pandar radaih juak, patrun bruk pandar ba-ar saong dom pandap panda ngak meng nhựa, pasiam veik hareik hareim ro rah klak. Hadei di tuk hu pathau khan, dự án taduan mek hu bruk pachreih tui biak rilo di độc giả Thái Lan./.