# Dua urang khik paga pacang di Đồng Nai gheih ghang daong paklah di metai ka 1 amuk taha nao tapa jalan radaih pui.Tui nan, di maong 8h30 page mesup 12-2, hadei di tuk hu lệnh pacang paga raok radaih pui jalan Sài Gòn - Hà Nội, sa-ai Nguyễn Thị Minh (35 thun) saong Đỗ Thị Lan (32 thun) dui paga pacang labik Hãng Dầu di phường Quyết Thắng, TP Biên Hòa, Đồng Nai brei ka radaih pui nao tapa. Tuk ini, hu 1 amuk taha lih tapa paga pacang piah nao tame gah dalam. Tuk nduac tal kreh jalan radaih pui, amuk labuh trun jan akaok tame jalan bloh oh dang tagok hu. Dua urang khik paga pacang ba gauk tabiak bui amuk tabiak truh labik nan tuk radaih pui daok mai tal di anak meta. Dom urang pan akaok Công ty cổ phần Đường sắt Sài Gòn, lac labik khik ramik paga pacang brei thau, meda peih bruk pok meyaom 2 urang khik paga pacang var klaak rup drei daong ka amuk taha nan.

     # Di labik  bến đò Cần Xây dok di tapen krong Hậu, dalam phường Bình Đức, ban sit Long Xuyên, tỉnh An Giang bahrau hu sa labik talah atah mbuan si glut jaleih. Labik tatah nan atah labaih  70m, mbang dalam tame boh taneh 5 m. Urak ni karja pak ni pachreih dom boh sang panduan ba sang danaok, drap ar tal labik siam mekre, brei gah  dân quân pasang iek pak nan, dui talei, caik  bảng cảnh báo piah bhap bini thau. Daok bến đò Cần Xây dok dalam labik talah nan ye gah  giao thông brei bruk pajeng ba.  

# Melam bloh (12/2), yaok rabau menuac di tỉnh Long An saong tuai damuai atah jaik mai pataom gauk di tapen danao Biển Đông daok gah dalam khu du lịch Happyland, huyện Bến Lức piah hu mbaok tame Lễ hội hoa đăng. Labaih 30 rabau gum bingu hu palao trun ia, ngak ka mbaok danao hadah tanjak, ba tui hatai caong siam mekre ka thun bharau, caong patuah jamo saong haniem phul ka taong abih menuac sia.

   # Harei page  ( harei 10 bingum bilan sa tui saka ia bilan) lac harei vía Thần Tài. Tui hatai sahaneng di bhap bini, blei meh song  cuk meh pariak đá  quý dalam harei vía Thần Tài, urang po pandap hu patuah jamo abih thun. Kayua Yau nan ye tal harei ni, hu oh takik menuac urang ba gauk nao blei meh mong hu patuah jamo. Rilo chuyên gia kinh tế ndom lac: yaom meh dalam harei  “vía" thần Tài bhian tagok biak glong, bloh hadei di nan nyu samar trun yaok rituh ribau đồng/lượng. Kayua yau nan ye, menuac urang jhui tuh nao blei meh dalam harei ni.

# Pambuak tal bruk angaok mạng xã hội hu thaot sruh kapal haoh di hãng kapal haoh VietJet khut sa baoh kong tuk par trun mblang kapal haoh Tân Sơn Nhất (TP Hồ Chí Minh) di melam 12/2, lambaok hãng  kapal haoh VietJet hu panuac brei thau ka bruk nan. Tui nan, sruh kapal haoh par meng Phú Quốc mai TP Hồ Chí Minh di Vietjet hadei di tuk par trun mlang kapal haoh Tân Sơn Nhất di mesup harei nan tuk ba tame labik pataok ye mboh sa baoh kong nyu patuh. Sruh kapal haoh hu salih baoh kong hadei di nan saong khik kajap bruk par patui di nan, oh ngak kan kandah hagait.

          Patui di ni dom khau tin dunya

# Tổng thống Mỹ Đô nan Trăm (Donald Trump) hu mbaoh tangin tame 1 sắc lệnh hành pháp pandar dom jabat  liên bang tagok bruk roh duah, jhui pakhang saong pato pakai  ka trí tuệ nhân tạo. Tui  sắc lệnh  hu angan lac  Sáng kiến trí tuệ nhân tạo Mỹ, rajaei  Mỹ hu tacei dom jabat  liên bang rik dong tame bruk roh duah song patagok  trí tuệ nhân tạo jang saong caga menuac ka saman bahrau di  trí tuệ nhân tạo. Urak ni oh ka thau cambaih kadung jien ka bruk ngak ni lac hadom. Sáng kiến trí tuệ nhân tạo Mỹ piah khik kein lagaih di  Mỹ dalam bruk roh duah saong patagok  trí tuệ nhân tạo, abih di nyu nan lac dalam dom bruk  sản xuất song siêu máy tính lượng tử.

# Tổng thư kí Liên hợp quốc An-tô-ni-ô Guê-tê-rết ( Antonio Guterres) ndom veik bruk halan hatian dang tabiak langyah, daong tamat bruk srau kadau di Vê-nê-zuê-la. Vê-nê-zuê-la laik tame srau kadau chính trị biak khang tuk urang dang akaok gah đối lập Hoan Guy-ai-đô (Juan Guaido) pok drei ngak “Tổng thống lâm thời”. Adit dahlau, Tổng thư kí Liên hợp quốc Guê-tê-rết brei thau meda hu mbaok tame langyah meyah 2 gah di Vê-nê-zuê-la hu panuac caong.Dom urang ngoại giao Liên hợp quốc brei thau rajaei Vê-nê-zuê-la halan hatian ginum biai, min urak ini oh ka thau ong Guy-ai-đô hu taduan bruk ba tabiak di Liên hợp quốc halei oh?

        # Tui jabat  y tế Y-ê-men, vi-rút cúm A/H1N1 ngak ka  139 urang metai di dom  tỉnh gah brak negar ni kuhria  meng di thun  2018, tagok khang ngan song  22 urang metai  song  107 mbang njom ruak di bilan sa dahlau nan. Bruk njom mbak samar di jit ruak ngak tagok bruk duh hatai mbuan si rah tabiak jit ruak di negar njauk mesruh metak palai pajoa ni.  Hệ thống y tế di Y-ê-men meda lac khut jaleih kayua bruk mesruh dui atah luac 4 thun tapa.  Liên hợp quốc hu rilo mbang khan lac mbuan si hu sa bruk  khủng hoảng nhân đạo kanyah abih di dunya. Dahlau di nan, jit ruak  tả di Y-ê-men ngak ka  1 triệu urang njom ruak song labaih  2 ribau urang metai, glong abih di dunya ./.